The news is by your side.

Advertisement

مجھے تنقید کی پروا نہیں: وزیر اعلیٰ پنجاب عثمان بزدار

عوام کو کسی صورت مصنوعی مہنگائی کے رحم و کرم پرنہیں چھوڑسکتے

لاہور: وزیراعلیٰ پنجاب عثمان بزدار نے کہا ہے کہ مجھے تنقید کی پروا نہیں،عوامی خدمت کاسفرآگے بڑھاتے جائیں گے.

ان خیالات کا اظہار انھوں نے صوبائی وزرا سے ملاقات کے موقع پر کیا۔ ملاقات میں عوام کو ریلیف فراہم کرنے اور اچھی طرزحکمرانی پر طویل مشاورت کی گئی.

اس ملاقات میں انتظامی اموربہتر بنانے، عوامی سہولتوں کے لئے فوری اقدامات کا فیصلہ کیا گیا. ساتھ ہی مصنوعی مہنگائی پیدا کرنے والوں کے خلاف سخت کارروائی کا عندیہ دیا گیا ہے. وزیر اعلیٰ‌ نے ذخیرہ اندوز، ناجائز منافع خوروں کے خلاف بلاامتیازکریک ڈاؤن کا حکم جاری کیا.

اس موقع پر سردار عثمان بزدار نے کہا کہ پرائس کنٹرول مجسٹریٹس کومزید متحرک کردار ادا کرنا ہوگا، عوام کو کسی صورت مصنوعی مہنگائی کے رحم و کرم پرنہیں چھوڑسکتے، گڈ گورننس کو یقینی بنایا جائے، میرٹ کو فروغ دیا جائے.

مزید پڑھیں: ہمارا رویہ آپ کے رویے سے بہتر رہے گا: عثمان بزدار کا شہباز شریف کی تنقید کا کرارا جواب

وزیراعلیٰ پنجاب نے کہا کہ گندم خریداری مہم میں چھوٹے کاشت کار کو تحفظ فراہم کریں‌ گے، کسانوں سے 1300 روپے فی من پرگندم خریدی جائے گی. عوامی خدمت میں کوئی رکاوٹ حائل نہیں ہونے دیں گے، مجھے تنقید کی پروا نہیں ہے.

یاد رہے کہ گذشتہ دونوں وزیر اعلیٰ پنجاب سردار عثمان بزدار نے وزیر اعظم عمران خان سے اہم ملاقات کی، جس میں صوبائی سطح پر ہونے والے فیصلے زیر بحث آئے.

Comments

comments

یہ بھی پڑھیں