The news is by your side.

Advertisement

دھرنادینے والوں کا احتساب قوم کرے گی،شہباز شریف

لاہور: ہم پاکستان کو ترقی کی راہ پر ڈالنا چاہتے ہیں،جبکہ دھرنا دینے والے ملک میں انتشار چاہتے ہیں،قوم دھرنے کی سیاست کرنے والوں کا احتساب کرے گی۔

تفصیلات کے مطابق آج پنجاب اسمبلی میں وزیر اعلی پنجاب نے تقریر کرتے ہوئے وزیرِ اعظم کے قومی اسمبلی مین دیے گئے بیان کو سراہا،دوسری طرف اپنی ترقیاتی اسکیموں کا ذکر کرتے ہوئے انہوں نے ’’دھرنا سیاست‘‘ کو ملکی ترقی کے لیے زہر قاتل کہا اور عندیہ دیا کہ قوم دھرنا سیاست کرنے والوں کا احتساب کرے گی۔

پنجاب اسمبلی سے خطاب کرتے ہوئے وزیر اعلیٰ نے بتایا کہ 1972 میں ہمارا کارخانہ قومیا لیا گیا تھا،جو کھنڈر حالت میں واپس ملا،جسے انتھک محنت کے بعد اس مقام تک پہنچایا کہ اتفاق فاؤنڈری میں فوجی تنصیبات سے تعلق رکھنے والی چیزیں بھی بننے لگیں،جس پر ہماری پورے خاندان کو فخر ہے۔

شہباز شریف نے اپنے خطاب میں کرپشن کا ذکر کرتے ہوئے کہا کہ یہ احتساب کا وقت ہے،پوری قوم متحد ہے،ایسا راستہ منتخب کیا جائے جس سے لوٹ مار کا راستہ ہمیشہ ہمیشہ کے لیے بند ہو جائے۔پتہ لگانا چاہیے کہ سوئس بینک میں پیسے کیسے گئے؟احتساب شفاف ہونا چاہیے۔

اپوزیشن کے ٹی او آرز کو تنقید کا نشانہ بناتے ہوئے وزیر اعلیٰ پنجاب نے انکشاف کیا کہ وزیر اعظم نے اپوزیشن کو ٹی اوآرز پرایک ساتھ بیٹھنے کی بھی پیشکش کی تھی،اپوزیشن کے ٹی او آرز میں کرپشن کا کہیں ذکر نہیں بس ایک شخص کا معاملہ لگتا ہے،قرضے معاف کرانے کے معاملے کو ہضم کر لیا گیا۔

وزیرِاعلیٰ پنجاب شہباز شریف جو وزیرِ اعظم پاکستان میاں محمد نواز شریف کے بھائی بھی ہیں نے کہا کہ پانامہ پیپرز پر نام نہ آنے کے باوجود وزیر اعظم کا خود کو ایوان کے سامنے پیش کرناخوش آئند قدم ہے،جسے سراہنا چاہیے۔

اس موقع پر شہباز شریف نے پنجاب حکومت کی کارکردگی بھی پیش کی،اپنے ترقیاتی منصوبوں کا ذکر کرتے ہوئے اُن کا کہنا تھا کہ پہلے دن میں بجلی آتی کم جاتی تھی اور جاتی ذیادہ تھی،ہمارے منصوبوں کے باعث لوڈ شیڈنگ میں اب اتنی کمی آگئی ہے کہ 45 ڈگری درجہ حرات ہونے کے باوجود پنجاب بھر میں کہیں کو ئی احتجاج نہیں ہورہا ہے،یہ ہماری حکومت کی کامیابی ہے۔

قائدِ حزبِ اقتدار نے دھرنا سیاست کرنے والوں کو متنبہ کرتے ہوئے کہا کہ ملک میں اندھیرا چھٹ رہا ہے،نئے منصوبے بن رہے ہیں،دھرنا اس ترقی کی راہ میں روکاوٹ ہپیں،دھرنا دینے والے جلد عوام کے غیض و غضب کا شکار بنیں گے۔

Comments

comments

یہ بھی پڑھیں