The news is by your side.

وزیراعلیٰ سندھ مراد علی شاہ کا خصوصی افراد کو ملازمتیں دینے کا اعلان

کراچی : وزیراعلیٰ سندھ مراد علی شاہ نےسندھ میں خصوصی افراد کو ملازمتیں دینے کا اعلان کردیا، خصوصی افراد کو ملازمتیں رواں ماہ کے آخر یا اپریل کے شروع میں دی جائیں گی۔

تفصیلات کے مطابق کراچی میں وزیر اعلیٰ سندھ مراد علی شاہ سے خصوصی افراد نےملاقات کی، اس موقع پر مرادعلی شاہ نے خصوصی افراد کو ملازمتیں دینے کا اعلان کیا۔

وزیراعلیٰ سندھ کا کہنا تھا کہ خصوصی افراد کو ملازمتیں رواں ماہ کے آخر یا اپریل کے شروع میں دی جائیں گی۔

مراد علی شاہ نے خصوصی افراد کو ملازمتیں دینے کیلئے تمام صوبائی سیکریٹریز اور چیف سیکریٹریز کا اجلاس طلب کرلیا، اجلاس آج وزیراعلیٰ ہاؤس میں وزیراعلیٰ سندھ کی زیر صدارت ہوگا۔

اجلاس میں خصوصی افراد کے سرکاری کوٹہ کو دو فیصد سے بڑھا کر پانچ فیصد کرنے کے فیصلے پرعملدرآمد کا جائزہ لیا جائے گا۔

وزیراعلیٰ سندھ نے خصوصی افراد کے وفد سے گفتگو کرتے ہوئے کہا کہ سندھ حکومت کو خصوصی افراد کا احساس اور قدر ہے اور وہ خصوصی افراد کو اپنے پیروں پر کھڑے دیکھنا چاہتے ہیں لیکن جب حکومت آپ کا خودہی خیال کر رہی ہے تو احتجاج کرنا اچھی بات نہیں۔

یاد رہے گذشتہ سال دسمبر میں سندھ حکومت نے معذور افراد کا ملازمتوں میں کوٹہ 2 فیصد سے بڑھا کر 5 فیصد کر دیا تھا جبکہ وزیراعلیٰ سندھ سید مراد علی شاہ نے اعلان کیا تھا کہ صوبے میں خصوصی افراد کو جلد اور ترجیحی بنیادوں پر نوکریاں فراہم کی جائیں گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں