The news is by your side.

Advertisement

وزیرِاعلیٰ سندھ کی زیرِصدارت ایپکس کمیٹی کا اجلاس آج ہوگا

کراچی : وزیرِ اعلیٰ سندھ کی زیرِ صدارت ایپکس کمیٹی کا اجلاس آج وزیرِاعلی ہاؤس کراچی میں ہوگا۔

تفصیلات کے مطابق وزیرِاعلی ہاؤس کراچی میں آج وزیرِ اعلیٰ سندھ کی زیرِ صدارت ایپکس کمیٹی کا اجلاس ہوگا، اجلاس میں قومی ایکشن پلان میں پیش رفت کے حوالے سے غور کیاجا ئے گا، جسمیں ڈی جی رینجرز،آئی جی سندھ سمیت حساس اداروں کے نمائندے شریک ہونگے۔

ذرائع کے مطابق ایپکس کمیٹی کا اجلاس ہر مہینے قومی ایکشن پلان پر پیش رفت کے لیئے طلب کیا جاتا ہے۔ اجلاس میں کراچی آپریشن مزید تیز کرنے پراتفاق کیے جانے کا بھی امکان ہے۔

گزشتہ روز فنکشنل لیگ کے رہنما سید علی بخش عرف پپو شاہ اور ان کی اہلیہ یاسمین بی بی کی پیپلز پارٹی میں شمولیت کے موقع پر قائم علی شاہ کا  کہنا تھا کہ یہ تصور کرنا کہ کرپشن صرف سندھ میں غلط ہے سندھ کو سنگل آئوٹ نہ کیا جائے۔

قائم علی شاہ کا کہنا تھا کہ پپو شاہ عوامی آدمی ہیں اور ان کے خیالات پیپلز پارٹی سے ملتے جلتے ہیں، اچھے اچھے لوگ پیپلز پارٹی میں آرہے ہیں جو اس کی خدمات کا اعتراف ہے۔

وزیرِاعلیٰ سندھ نے باتوں باتوں میں ذوالفقار مرزا کے بیٹے حسنین مرزا کی سرزنش بھی کر ڈالی۔

Print Friendly, PDF & Email

Comments

comments

یہ بھی پڑھیں