امن و امان خراب کر نے والوں کےلیے زیرو ٹالرنس، وزیر اعلیٰ سندھ -
The news is by your side.

Advertisement

امن و امان خراب کر نے والوں کےلیے زیرو ٹالرنس، وزیر اعلیٰ سندھ

ٰکراچی : وزیراعلیٰ سندھ مراد علی شاہ کا کہناہے کہ کراچی میں امن وامان کی صورتحال کو خراب کرنے والوں کے خلاف سخت کارروائی کی جائے۔

تفصیلات کےمطابق وزیراعلیٰ سندھ مراد علی شاہ کے زیرصدارت سندھ کابینہ کا اجلاس جاری ہے جس میں آئی جی سندھ اے ڈی خواجہ کی جانب سے کابینہ کو کراچی میں امن وامان سے متعلق بریفنگ دی گئی۔

آئی جی سندھ کی جانب سے سندھ کابینہ کو بریفنگ کے دوران بتایا گیا کہ شہر میں امن وامان کو خراب کرنے کےحوالے سے اہم گرفتاریاں ہوئی ہیں۔

سندھ کابینہ کے اجلاس میں وزیراعلیٰ سندھ مراد علی شاہ نے کراچی کے امن وامان پر عدم اعتماد کا اظہار کرتے ہوئے کہا کہ میں امن وامان کی صورت حال سے خوش نہیں ہوں۔

وزیراعلیٰ سندھ کا کہناتھا کہ کراچی آپریشن کو ہرصورت جاری رکھا جائے گا،انہوں نے واضح کردیا کہ شہر میں امن وامان خراب کرنے والوں کے خلاف زیرو ٹالرنس ہے۔

مراد علی شاہ کا کہناتھا کہ مجھے خوشی تب ہوگی جب شہر میں مکمل امن وامان ہوگا،انہوں نے کہا کہ پولیس رینجر زاور حسا س ادارے مل کر کراچی میں امن کو برقرار رکھیں اورفرقہ وارانہ نفرتیں پھیلانے والوں کےخلاف ذبردست کارروائی کی جائے۔

وزیراعلیٰ سندھ مرادعلی شاہ کا کہناتھا کہ سابق وزرا،ریٹائر سرکاری افسران کو 24 گھنٹے کی مہلت دی جائے کہ وہ سرکاری گاڑیاں جمع کروادیں اور اس سلسلے میں انہوں نے چیف سیکریٹری سندھ کو 24 گھنٹے کا نوٹیفیکیشن جاری کرنے کی ہدایت کردی۔

مرادعلی شاہ کا کہناتھا کہ 24 گھنٹے کی مہلت کےبعد مجسٹریٹ کی موجودگی میں سرکاری گاڑی کی واپسی یقینی بنائی جائے۔

وزیراعلیٰ سندھ نے سندھ کابینہ کے وزرا کو بھی ہدایت کی ہے کہ وہ بغیر نمبر پلیٹ والی گاڑیاں نہ چلائیں ورنہ ان کے خلاف بھی کارروائی کی جائے گی۔انہوں نے اس کے علاوہ179 پرانی گاڑیوں کی نیلامی کرنے کی بھی ہدایت کی ہے۔

Comments

comments

یہ بھی پڑھیں