کراچی: رینجرز کے خصوصی اختیارات میں مزید 90 روز کی توسیع rangers
The news is by your side.

Advertisement

کراچی: رینجرز کے خصوصی اختیارات میں مزید 90 روز کی توسیع

کراچی: وزیراعلیٰ سندھ سید مراد علی شاہ نے رینجرز کے خصوصی اختیارات میں 90 دن کی توسیع کردی۔

وزیراعلیٰ سندھ کے ترجمان نے کہا ہے کہ مراد علی شاہ نے رینجرز کے خصوصی اختیارات میں 90 دن کی توسیع کردی جس کے بعد رینجرز کے پاس خصوصی اختیارات 12 جنوری 2018 تک  رہیں گے۔

قبل ازیں اگست میں رینجرز کے اختیارات ختم ہوئے تھے جس کے بعد وزیراعلیٰ سندھ نے قانون نافذ کرنے والے ادارے کے اختیارات میں 90 دن کی توسیع کی تھی جس کی مدت 12 اکتوبر کو ختم ہورہی تھی۔

وزیر داخلہ سندھ کی جانب سے رینجرز کے خصوصی اختیارات کی سمری وزیراعلیٰ کو بھیجی گئی جس پر مراد علی شاہ نے منظوری کے دستخط کیے جس کے بعد نوٹی فکیشن جاری کیا گیا۔

واضح رہے کہ شہر کراچی میں امن و امان کی صورتحال کو برقرار رکھنے کے لیے رینجرز کو نوے کی دہائی میں تعینات کیا گیا تھا، 2013 میں کراچی آپریشن شروع ہونے کے بعد اسمبلی سے پاکستان پروٹیکشن آرڈیننس منظور ہوا تھا جس میں رینجرز کو خصوصی اختیارات دینے اور ملزمان کے خلاف کارروائی کی اجازت دی گئی تھی۔

Comments

comments

یہ بھی پڑھیں