The news is by your side.

Advertisement

لاڑکانہ: قانون نافذ کرنے والے ادارے ہر علاقے میں دہشت گردوں کے خلاف کارروائی کریں گے،وزیراعلیٰ سندھ

لاڑکانہ : وزیراعلی سندھ مراد علی کاگڑھی خدا بخش میں کہنا تھا کہ قانون نافذ کرنے والے ادارے ہر علاقے میں دہشت گردوں کے خلاف کارروائی کریں گے.

تفصیلات کے مطابق وزیراعلیٰ سندھ مراد علی شاہ نثار کھوڑو اور کابینہ کے وزراء کے ہمراہ لاڑکانہ گڑھی خدا بخش پہنچے،جہاں انہوں نے ذوالفقار علی بھٹو اور سابق وزیراعظم بے نظیر بھٹو کی مزار پر حاضری دی،اور فاتحہ خوانی کی.

وزیراعلیٰ سندھ مراد علی شاہ نے گڑھی خدابخش میں بے نظیر بھٹو کے مزار پر حاضری کے بعد میڈیا سے بات چیت کرتے ہوئے کہا کہ محترمہ شہید بے نظیر بھٹو سے عوام کی خدمت کا سبق سیکھا،اور اسی جذبے کے تحت عوام کے مسائل حل کریں گے.

انہوں نے کہا کہ پیپلزپارٹی کی حکومت اپنےشہیدرہنماؤں کےاصولوں پرچلےگی،پوری کابینہ کے ساتھ عوام کی خدمت کروں گا.

وزیراعلیٰ سندھ نے کہا کہ رینجرز کا معاملہ جلد حل ہوجائے گا،قانون نافذ کرنے والے ادارے ہر علاقے میں دہشت گردوں کے خلاف کارروائی کریں گے.

انہوں نے کہا کہ کرپشن صرف سندھ کا مسئلہ نہیں پورے پاکستان کا ہے،ماضی میں کی گئی کرپشن پر وقت ضائع نہیں کروں گا،مستقبل کے لیے ایسی حکمت عملی ترتیب دی جائے گی کہ کرپشن نہ ہو.

اُن کا مزید کہنا تھا کہ متحدہ قومی موومنٹ نے میرے خلاف امیدوار نہیں کھڑا نہیں کیا،اس پر ان کا شکر گزار ہوں.

وزیراعلیٰ سندھ مراد علی شاہ نے کہا کہ دہشت گردی پورے ملک کا مسئلہ ہے،آپریشن ضرب عضب میں ملٹری فورسز کا کردار بہت اہم ہے،ملٹری کی کارروائیوں سے سویلین فورس مضبوط ہوئی ہے.

یارہےکہ وزیر اعلیٰ سندھ نے گزشتہ روز لاڑکانہ میں رینجرز پر ہونے والے حملے کی شدید مذمت کی تھی اور واقعے کو بزدلانہ کارروائی قرار دیا تھا.

Print Friendly, PDF & Email

Comments

comments

یہ بھی پڑھیں