وزیر اعلیٰ سندھ عمرے کی ادائیگی کے لئے سعودیہ عرب روانہ -
The news is by your side.

Advertisement

وزیر اعلیٰ سندھ عمرے کی ادائیگی کے لئے سعودیہ عرب روانہ

کراچی : وزیر اعلیٰ سندھ سید قائم علی شاہ نے آئی جی سندھ پولیس کو جمعۃ الوداع کے موقع پر سیکورٹی کے فول پروف انتظامات کی سخت ہدایات جاری کرتے ہوئے شہر میں سیکورٹی کی صورتحال کو ٹھیک کرنے کا حکم دے دیا۔

تفصیلات کے مطابق عمرہ ادائیگی کے لئے سعودیہ عرب روانگی سے قبل قائم علی شاہ کی زیر صدارت امن و امان کے حوالے سے اہم اجلاس وزیر اعلیٰ ہاؤس منعقد کیا گیا، اس اجلاس کی صدارت وزیر اعلیٰ سندھ نے کی جبکہ آئی جی سندھ ، سیکریٹری سندھ سمیت اعلیٰ افسران نے شرکت کی،  وزیر اعلیٰ سندھ نے افسران کو امن و امان کو برقرار رکھنے کے حوالے سے خصوصی ہدایات جاری کیں اور اویس شاہ اغوا ، امجد صابری کے کیس پر باقاعدہ کام کرنے کا حکم دیا۔

وزیر اعلیٰ سندھ نے آئی جی سندھ پولیس اے ڈی خواجہ کر جمعۃ الوداع کے اجتماعات کے لئے فول پروف سیکورٹی انتظامات کے علاوہ شہر میں امن و امان کو ٹھیک کرنے کا حکم جاری کیا۔

انہوں  نے اس امید کا اظہار کیا کہ ’’عمرہ ادائیگی کے دوران قیام امن کے لئے خصوصی دعائیں کروں گا اور آپ یہاں عملی اقدامات کریں گے تو امید ہے کہ قیام کے دوران اچھی خبریں سُننے کو ملیں گی اور صورتحال مکمل کنٹرول میں رہے گی‘‘۔

واضح رہے وزیر اعلیٰ سندھ عمرہ ادائیگی کے بعد 5 جولائی کو وطن واپس پہنچیں گے۔

Comments

comments

یہ بھی پڑھیں