پاک چین جوائنٹ کوآرڈینشن کمیٹی کا اجلاس، سندھ کے لئے3توانائی منصوبوں کی منظوری -
The news is by your side.

Advertisement

پاک چین جوائنٹ کوآرڈینشن کمیٹی کا اجلاس، سندھ کے لئے3توانائی منصوبوں کی منظوری

بیجنگ : چین میں سی پیک سے متعلق چھٹی پاک چین جوائنٹ کوآرڈنیشن کمیٹی کا اجلاس آج سے شروع ہوگیا، اجلاس میں سندھ کیلئے توانائی کے تین منصوبوں کی منظوری دی گئی ہے۔

تفصیلات کے مطابق جوائنٹ کوآرڈینشن کمیٹی کا اجلاس میں سی پیک کے تحت سندھ میں بنے والے منصوبوں پر وزیراعلیٰ سندھ مراد علی شاہ نے پریزنٹیشن دی، اجلاس میں وزیراعلیٰ سندھ سید مراد علی شاہ کی کوششوں سے سندھ کی توانائی کے تین منصوبوں کی منظوری دے دی گئی۔

ان منصوبوں میں حب ،تھل نووا اور اوریکل بلاک کا کوئلہ پلانٹ شامل ہے۔

آئندہ سال سے شروع ہونے والے ان منصوبوں سے انیس سو اسی میگاواٹ بجلی ملے گی جبکہ کراچی سرکلر منصوبہ بھی اب سی پیک میں شامل کر دیا گیا ہے، منصوبے کی فزیبلیٹی تین ماہ میں تیار کی جائے گی۔


مزید پڑھیں : وفاق نےکراچی سرکلر ٹرین منصوبے کو سی پیک میں شامل کرلیا


اس کے علاوہ ہر صوبے کیلئے ایک صنعتی زون جبکہ دھابیجی اسپیشل اکنامک زون کی بھی منظوری دی گئی ہے۔

اجلاس میں کیٹی بندی منصوبے کی فزیبیلیٹ جمع کروانے کا فیصلہ کیا گیا ہے۔

اجلاس میں وفاقی وزیر منصوبہ بندی احسان اقبال اور وزیر اعلیٰ کے پی کے پرویز خٹک نے بھی کی شرکت۔

یاد رہے کہ وزیراعلیٰ سندھ نے وفاق سے درخواست کی تھی کہ کراچی سرکلر ٹرین منصوبے کو سی پیک میں شامل کیا جائے، جس کے بعد وزیراعظم نے کراچی سرکلر ریلوے منصوبےکو سی پیک کا حصہ بناتے ہوئے منصوبہ سندھ کو سونپنے کی منظوری دیدی تھی۔

Comments

comments

یہ بھی پڑھیں