site
stats
سندھ

عوامی مسائل کا حل اولین ترجیح ہے، مرادعلی شاہ

کراچی : وزیراعلٰی سندھ مراد علی شاہ نے کہا کہ سڑکوں کی تعمیر کے لیے کہیں کہیں غیر ضروری کھدائی بھی ہوئی ہے تاہم سڑکوں کی درستگی کے لیے یہ لازمی امر تھا، عوامی مسائل کا حل اولین ترجیح ہے۔

یہ بات انہوں نے کراچی میں موسلا دھاربارش کے دوران شہر کا جائزہ لیتے ہوئی کہی، انہوں نے کہا کہ بارش رحمت کے بجائے زحمت نہ بن جائے اس لیے شہر کا دورہ کر کے موقع پر ہی ہدایات جاری کر رہا ہوں۔

مراد علی شاہ کا کہنا تھا کہ مشترکہ دورے کے لیے میئر کراچی سے بھی رابطہ کیا تھا تاہم وسیم اختر بھی کراچی کے مختلف علاقوں میں عوامی خدمت میں مصروف ہیں، ہم سب مل کرشہر کراچی کی بہتری اور ایک ہی مقصد کے لیے کام کررہے ہیں۔

شہر بھرمیں ہونے والی کھدائی سے بارش کے باعث پیدا ہونے والی مشکلات کا ذکر کرتے ہوئے وزیراعلٰیٰ سندھ کا کہنا تھا کہ سڑکیں ٹھیک کررہے ہیں جس کے سبب غیرضروری کھدائی بھی ہوئی ہے تاہم سڑکیں کھدیں گی تو روڈ بنیں گے۔

واضح رہے وزیراعلٰی سندھ مراد علی شاہ آج پورا دن بغیر پروٹوکول کے ہی کراچی کی شاہراہوں کا دورہ کرتے رہے اس موقع پروزیر بلدیات بھی ان کے ہمرا موجود تھے جو وزیراعلیٰ کی گاڑی چلارہے تھے اور ساتھ ساتھ ہدایات بھی لیتے جا رہے تھے۔

یاد رہے کہ مراد علی شاہ ایک متحرک وزیراعلی ہیں جومنصب سنبھالتے ہی صوبے کی خدمت میں پیش پیش نظرآ رہے ہیں اور گذشتہ ماہ انہوں نے سکھر سے کراچی کا سفر بذریعہ ریل کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top