شکار پور واقعے پر بلاول بھٹو اور وزیراعلیٰ سندھ کا شدید رد عمل -
The news is by your side.

Advertisement

شکار پور واقعے پر بلاول بھٹو اور وزیراعلیٰ سندھ کا شدید رد عمل

خان پور : وزیر اعلیٰٰ سندھ سید مراد علی شاہ نے کہا ہے کہ شکارپور میں پولیس نے بہادری کا مظاہرہ کرتے ہوئے بڑی تباہی سے بچا لیا۔ پیپلز پارٹی کے چیئر مین بلاول بھٹو زرداری نے کہا ہے کہ دہشت گرد عید کی خوشیوں کو غم میں بدلنا چاہتے ہیں۔

تفصیلات کے مطابق سید مراد علی شاہ نے کہا ہے کہ ایجنسیوں کی رپورٹ کے بعد شکار پور میں سیکیورٹی اتنی سخت تھی جس کی وجہ سے دہشت گردوں کا حملہ ناکام بنا یا گیا۔

ان خیالات کا اظہار انہوں نے شکار پور حملہ کے بعد خان پور میں میڈ یا سے گفتگو کرتے ہوئے کیا، ان کا کہنا تھا کہ شہریوں کو دہشت گردی کا نشانہ بننے نہیں دیں گے۔

دہشت گردوں کو ہر صورت ان کے انجام تک پہنچایا جائے گا۔ مراد علی شاہ نے مزید کہا کہ دہشت گردی پورے ملک کا مسئلہ ہے۔

علاوہ ازیں پاکستان پیپلز پارٹی کے چیئرمین بلاول بھٹو زرداری نے کہا ہے کہ کہا کہ دہشت گرد ی ناکام بنانے پر پولیس اہلکاروں کو خراج تحسین پیش کرتا ہوں۔

سندھ حکومت زخمی اہلکاروں کو بہتر طبی سہولتیں فراہم کرے ۔بلاو ل بھٹو نے ہدایت کی کہ صوبے میں ممکنہ دہشت گردی سے نمٹنے کے لیے الرٹ رہا جائے۔

 

Comments

comments

یہ بھی پڑھیں