The news is by your side.

Advertisement

سندھ میں کورونا وائرس سے اموات کی تعداد 47 تک جاپہنچی

کراچی : وزیراعلیٰ سندھ مراد علی شاہ کا کہنا ہے کہ 24 گھنٹےمیں مزید209کورونا کے کیسزرپورٹ ہوئے اور مزید2 افراد  جاں بحق ہونے سے سندھ میں   اموات کی تعداد 47 ہوگئی۔

تفصیلات کے مطابق وزیراعلیٰ سندھ مراد علی شاہ نے کوروناصورتحال پرویڈیوپیغام میں کہا کہ 24 گھنٹےمیں مزید209کورونا کے کیسزرپورٹ ہوئے اور مزید2افرادزندگی کی بازی ہار گئے، جس کے بعد سندھ میں کوروناسےاموات کی تعداد 47 ہوگئی، اموات کی شرح 2.1 فیصد ہے۔

وزیراعلیٰ سندھ کا کہنا تھا کہ 24گھنٹےمیں 2372 ٹیسٹ کیے،209 مثبت آئے، سندھ میں کورونا مریضوں کی تعداد 2217 ہوگئی، جبکہ 24 گھنٹے میں مزید 5 افرادصحت یاب ہوکر اپنے گھروں کو چلے گئے ہیں اور صحت یاب ہونےوالوں کی تعداد581 ہوگئی۔

مراد علی شاہ نے بتایا کہ سندھ میں کوروناوائرس کے26فیصدمریض صحت یاب ہوگئے ہیں، سندھ میں1589مریض زیرعلاج ہیں ، 872 گھروں میں، 469 آئیسولیشن،248 اسپتالوں میں ہیں، تبلیغی جماعت کے کل 4692 افراد تھے،4653 کے نمونے لئے گئے، جن میں 429 تبلیغی جماعت کےافرادکےٹیسٹ مثبت آئے اور 911 افراد کے ٹیسٹ کا نتیجہ ابھی باقی ہے۔

ان کا کہنا تھا کہ تبلیغی جماعت کے132کیسزآئے جوآئسولیشن میں ہیں ، باقی77کیسزکراچی میں ظاہرہوئے،یہ تشویشناک بات ہے، جنوبی کراچی میں کوروناکے 30 کیسزسامنے آئے ہیں، علاقوں میں لیاری،صدر،گارڈن شامل ہیں۔

وزیراعلیٰ سندھ نے کہا کہ کراچی شرقی میں16 ، غربی میں8 اور وسطی کراچی کی کچی آبادیوں میں 11 ، کورنگی میں6 اور ملیرمیں بھی 6 کوروناکیسز رپورٹ ہوئے ، گلبہار ، گلستان جوہر، شریف، کے ای سی ایچ ایس ، نصیر کالونی،فیصل کالونی،پی آئی اےسوسائٹی ، لانڈھی اورگلشن حدیدکےعلاقے ، افغان بستی،ناردرن بائی پاس،بلدیہ میں کیسز سامنے آئے۔

مراد علی شاہ کا کہنا تھا کہ کراچی سےباہرتبلیغی جماعت کےعلاوہ کوئی نیاکیس نہیں ہوا، کیسزوالےعلاقوں میں لاک ڈاؤن سخت کریں گے۔

وزیراعلیٰ سندھ نے اوورسیز پاکستانیوں کے نام پیغام میں کہا کہ بیرون ملک پاکستانیوں کا یہاں سے زیادہ نقصان ہوا ہے، ہم سب آپ پاکستان سے باہر رہنے والے بھائیوں کے ساتھ ہیں، آپ نے ہمیشہ پاکستان میں زرمبادلہ بھیج کر ساتھ دیا ہے۔

مراد علی شاہ کا کہنا تھا کہ وفاقی حکومت آپ کو واپس لانے کیلئے اقدامات کررہی ہے، آج ایک فلائٹ باہررہنے والے پاکستانیوں کو وطن لائے گی، مشکل گھڑی میں عوام،وفاق اورسندھ حکومت آپ کے ساتھ ہیں۔

Comments

یہ بھی پڑھیں