The news is by your side.

Advertisement

وزیراعلیٰ سندھ سی سی آئی اجلاس میں گیس تقسیم کا معاملہ اٹھائیں گے

کراچی: وزیراعلیٰ سندھ نے کہا ہے کہ آئین کے تحت گیس جہاں سے مل رہی ہے، اس پر پہلا حق اس صوبے کا ہے، البتہ اپنی ضروریات پوری کرنے کے بعد دوسرے صوبوں کو دے سکتے ہیں.

تفصیلات کے مطابق وزیراعلیٰ سندھ سی سی آئی اجلاس میں شرکت کے لئے اسلام آباد روانہ ہوگئے ، مراد علی شاہ سی سی آئی اجلاس میں گیس کی تقسیم کا معاملہ اٹھائیں گے.

وزیراعلیٰ سندھ کا کہنا ہے کہ گیس کی تقسیم، قیمت اور ٹیرف کا تعین ای سی سی کا اختیار نہیں ہے، آئین کے تحت گیس جہاں سے مل رہی ہے، اس پر پہلا حق اس صوبے کا ہے، البتہ اپنی ضروریات پوری کرنے کے بعد دوسرے صوبوں کو دے سکتے ہیں، سندھ کا کیس میں خود لڑوں گا، انہوں نے کہا میں انجینئر کے ساتھ قانون دان کا بیٹا بھی ہوں.

مزید پڑھیں:گھوٹکی سندھ میں گیس کا نیا ذخیرہ دریافت

ترجمان وزیراعلیٰ سندھ کا کہنا ہے کہ آئینی تشریح کے لیے سی سی آئی نے ایک کمیٹی بنائی گئی ہے، جس کے قانون اور انصاف کے وفاقی وزیر چیئرمین ہیں، وزیراعلیٰ سندھ قانونی وزیر کی حیثیت سےشرکت کریں گے،صوبوں کے وزرا قانون،اےجی اور اٹارنی جنرل شرکت کریں گے.

Print Friendly, PDF & Email

Comments

comments

یہ بھی پڑھیں