کراچی کا کچرا صاف کرنے میں وقت لگے گا،مراد علی شاہ -
The news is by your side.

Advertisement

کراچی کا کچرا صاف کرنے میں وقت لگے گا،مراد علی شاہ

کراچی: وزیر اعلیٰ سندھ سید مراد علی شاہ نے کہا ہے کہ وفاقی وزیر چوہدری نثار کے مشن کا علم نہیں میاں صاحب کے وزیر کا ان ہی سے پوچھا جائے مجھ سےاچھی اچھی باتیں کریں۔

یہ بات انہوں نے آرٹس کونسل کراچی میں تقریب کے بعد میڈیا سے گفتگو کرتے ہوئے کہی، وزیر اعلیٰ سندھ نے کہا کہ کراچی کے کچرے سے ہاتھ نہیں اٹھایا شہر کو صاف کرنے میں وقت لگے گا۔

شہر میں برسوں‌ کی گندگی اتنی جلدی صاف نہیں کی جاسکتی،صفائی کا کام چیئرمینوں اور بلدیاتی نمائندوں سے مل کر کیا جائے گا۔

ان کا کہنا تھا کہ میرے پاس جتنا بھی وقت ہے اس میں سب کچھ بدل نہ سکا تو سمت ضرور درست کردوں گا میں اکیلا کچھ نہیں کر سکتا، مجھے ہر طبقے کی ضرورت ہے۔

سید مراد علی شاہ نے کہا کہ کراچی کی عوام کا شکریہ جنہوں نے مجھے اون کیا، عوام کی خدمت دن رات کرتا رہوں گا، انشا اللہ مجھے میری ٹیم مایوس نہیں کرے گی۔

وزیر اعلیٰ سندھ  نے وزیروں کو وارننگ دیتے ہوئے کہا کہ جو کام نہیں کرے گا اس کی کابینہ سے چھٹی ہو جائے گی۔

Comments

comments

یہ بھی پڑھیں