The news is by your side.

نوازشریف مسلم لیگ ن کی شکست کاالزام پیپلزپارٹی کونہ دیں، مرادعلی شاہ

کراچی : وزیراعلیٰ سندھ مراد علی شاہ کا کہنا ہے کہ ایم کیوایم ایک سیاسی جماعت ہے ،ایم کیوایم اورپی ایس پی ایک ہوئےتھے تو خوشی ہوئی تھی، نواز شریف مسلم لیگ ن کی شکست کا الزام پیپلزپارٹی کو نہ دیں۔

تفصیلات کے مطابق وزیراعلیٰ سندھ مراد علی شاہ نے میڈیا سے گفتگو کرتے ہوئے کہا  کہ ایم کیوایم اور پی ایس پی ایک ہوئے تھے توخوشی ہوئی تھی، ایم کیوایم کی جانب سے اپنے ہی ممبران پرعدم اعتماد کا اظہار کیا گیا، مجھے نہیں معلوم کس دھڑے کو لندن کی حمایت حاصل ہے۔

راؤانوار کے حوالے سے مراد علی شاہ نے کہا کہ کسی بھی ملزم پر پیپلزپارٹی کا آشیرباد نہیں،راؤانوار خود کو بے قصور سمجھتے ہیں تو قانون کے حوالے کردیں۔

وزیراعلیٰ سندھ کا کہنا تھا کہ سینیٹ میں خفیہ بیلٹنگ ہوتی ہے اور امیدوار کا انتخاب ہوتاہے، نوازشریف مسلم لیگ ن کی شکست کا الزام پیپلزپارٹی کو نہ دیں۔

انھوں نے کہا کہ کسی کوکراچی کاامن تباہ کرنےنہیں دیں گے، بڑی مشکل سےکراچی کاامن بحال کیاہے، کہتےہیں خیبرپختونخوامیں پولیس آزاد ہے کہاں ہے؟ کراچی میں حالیہ واقعات میں حکومت نےفوری ایکشن لیا۔

نقیب اللہ قتل کے حوالے سے مراد علی شاہ کا کہنا تھا نقیب کیس میں کمیٹی بنائی تھی جس میں قابل افسران تھے، کمیٹی کی تحقیقات پرفوری عملدرآمد کیا گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں