وزیراعلیٰ سندھ کی دبئی میں آصف علی زرداری سے ملاقات -
The news is by your side.

Advertisement

وزیراعلیٰ سندھ کی دبئی میں آصف علی زرداری سے ملاقات

دبئی : وزیراعلیٰ سندھ کی دبئی میں آصف علی زرداری سے ملاقات کی، سندھ میں چار نئے مشیر اور آٹھ پارلیمانی سیکریٹریز مقرر کرنے کا فیصلہ کرلیا ہے۔

تفصیلات کے مطابق وزیراعلیٰ سندھ نے آصف زرداری سے دبئی میں دو بار ملاقات کی، جس میں نئے مشیر اور پارلیمانی سیکریٹریز کے ناموں پر بات چیت کی گئی۔

ذرائع کے مطابق سندھ میں چار نئے مشیر اور آٹھ پارلیمانی سیکریٹری مقرر کرنے کا فیصلہ کیا گیا، امتیاز شیخ، ڈاکٹر سہراب خان سرکی، سید اویس قادر شاہ کو نئے وزراء کی فہرست میں شامل کیا گیا ہے۔

ذرائع کا کہنا ہے کہ پی پی پی کے شریک چیئرمین نے کسی بھی غیرمنتخب پی پی پی رہنماء کو کوئی بھی سرکاری عہدہ نہ دینے کی ہدایت کی ہے۔

پیپلز پارٹی کے شریک چیئرمین آصف زرداری نے کہا کہ اچھی کارکردگی کے حامل افراد کو حکومتی ذمہ داریاں دی جائیں۔

وزیراعلیٰ سندھ مراد علی شاہ آج رات دبئی سے کراچی آجائیں گے، جہاں انھوں نے سینئر پارلیمانی اراکین کا اجلاس طلب کر لیا ہے۔

Comments

comments

یہ بھی پڑھیں