The news is by your side.

Advertisement

عمران خان کو جو کرنا ہے کریں، ہم کام کرنے آئے ہیں، مراد علی شاہ

کراچی : وزیراعلیٰ سندھ سید مراد علی شاہ نے کہا ہے کہ کراچی میں اسلحہ ایک سیاسی جماعت کے ہیڈ کوارٹر کے قریب سے ملا ہے شک تو جائیگا، عمران خان کو جو سیاست کرنی ہے وہ کریں،ہم کام کرنےآئے ہیں۔

ان خیالات کا ااظہار انہوں نے کراچی میں میڈیا سے گفتگو کرتے ہوئے کیا۔

عزیزآباد سے ملنے والے اسلحے کی کڑیاں ملنے کے حوالے سے وزیراعلیٰ سندھ مراد علی شاہ نے شکوک وشبہات کا اظہارکرتے ہوئے کہا کہ کراچی میں اسلحہ ایک سیاسی جماعت کے ہیڈ کواٹرکے قریب سےملا ہے شکوک شبہات تو پیدا ہوں گے۔

وزیراعلیٰ سندھ سید مراد علی شاہ نے بتایا کہ اینٹی کرپشن محکمے کو بھی بہتر بنا رہے ہیں اور اینٹی کرپشن پر نیا قانون بھی لے کر آئیں گے۔

نیب کا کسی ایک پارٹی کے پیچھے پڑنا اور برسوں پرانے کیسز ختم کرنا درست نہیں۔ سید مراد علی شاہ کا کہنا تھا ایم کیو ایم استعفے دے یا نہ دے وہ اپنا کام کرتے رہیں گے۔

مزید پڑھیں : وزیر اعلیٰ سندھ مراد علی شاہ کا شہر کے مختلف علاقوں کا ہنگامی دورہ

 وزیراعلیٰ سندھ نے کہا کہ ہم کرپشن کےخلاف ہیں نیب اپنا کام کرتارہے ہمیں کوئی ڈرنہیں، عمران خان کے حوالے سے ایک سوال کے جواب میں وزیراعلیٰ سندھ نے کہا کہ عمران خان کو جوسیاست کرنی ہے وہ کریں، ہم اپنا کام کرتے رہیں گے۔

مراد علی شاہ نے کرپشن پرنوکمپرو مائس کا اعلان کرتے ہوئے اینٹی کرپشن قوانین میں اصلاحات کرنے کا بھی عندیہ دے دیا۔

Comments

comments

یہ بھی پڑھیں