وزیراعلیٰ سندھ کی وزیراعظم سے ملاقات، صوبے کے مسائل پرگفتگو -
The news is by your side.

Advertisement

وزیراعلیٰ سندھ کی وزیراعظم سے ملاقات، صوبے کے مسائل پرگفتگو

کراچی : وزیراعظم نواز شریف کی کراچی آمد پر وزیراعلٰی سندھ سید مراد علی شاہ نے صوبے کے مسائل وزیراعظم کےسامنے رکھ دیئے، جبکہ گورنر سندھ نے ظہرانے میں وزیر اعظم کی پرہیزی کھانوں سے تواضع کی۔

تفصیلات کے مطابق سندھ کے نئے وزیراعلٰی مراد علی شاہ نے گورنر سندھ کے ساتھ وزیراعظم کا استقبال تو کیا، لیکن اپنی ذمہ داری نہ بھولے۔

وزیراعلٰی نے وزیراعظم کے سامنے صوبے کے مسائل رکھ دیئے اوران کے حل کا مطالبہ کردیا۔ مراد علی شاہ نے وزیراعظم سے سندھ میں لوڈ شیڈنگ ختم کرنے کا مطالبہ دہرایا۔

این ایف سی سمیت دیگر فنڈز میں حصہ مانگا۔ مراد علی شاہ نے وزیراعظم کی کراچی موجودگی کے باوجود شیڈول نہ بدلا۔ نوازشریف کے ساتھ ظہرانے میں شرکت کے بجائے ضروری کاموں کو ترجیح دی اورآفیشل میٹنگ کے بعد چلے گئے۔

ادھر وزیراعظم کے شاہانہ پروٹوکول نے شہریوں کو اذیت میں مبتلا کیے رکھا،وزیراعظم جہاں گئےاطراف کی سڑکوں پر گھنٹوں ٹریفک جام رہا۔

علاوہ ازیں وزیر اعظم کراچی آئے تو گورنر سندھ نے ظہرانے میں پرہیزی کھانے کھلائے۔وزیراعظم نے خاطر تواضع پر گورنر کا شکریہ ادا کیا۔

گورنرہاؤس میں دستر خوان پر پرہیزی کھانے چُنے گئے نہاری کے شوقین میاں صاحب نے کراچی میں بھی لذیذ نہاری پر ہاتھ صاف کئے،لیکن چکن نہاری بغیر نمک کے تیار کی گئی تھی۔

زیتون کےتیل میں تڑکا لگی مچھلی بھی دسترخوان کی زینت بنی۔ مٹن پلاؤ کےساتھ ساتھ اسپیشل مکس سبزی ،مکئی اوربیسن کی روٹی بھی مینیو میں شامل تھی۔

Comments

comments

یہ بھی پڑھیں