The news is by your side.

Advertisement

اب بین الاقوامی کرکٹ ٹیمیں بھی کراچی آتی رہیں گی، مراد علی شاہ

کراچی : وزیراعلیٰ سندھ سید مراد علی شاہ نے کہا ہے کہ امن وامان کی صورتحال مکمل طور پر بہتر ہے، پی ایس ایل کا فائنل کامیابی سے کراچی میں کھیلا جائے گا، انشااللہ ویسٹ انڈیز کے بعد اب بین الاقوامی کرکٹ ٹیمیں بھی کراچی آتی رہیں گی۔

ان خیالات کا اظہار انہوں نے کراچی میں میڈیا سے گفتگو کرتے ہوئے کیا، سید مراد علی شاہ نے کہا کہ ہم نے گزشتہ سال کراچی کنگز کی تقریب میں فائنل میچ کروانے کا وعدہ کیا تھا، جسے اب پورا کرررہے ہیں۔

انہوں نے کہا کہ کراچی میں امن وامان کی صورتحال مکمل طور پر بہتر ہوچکی ہے، گزشتہ ایک سال کے دوران شہر قائد میں دہشت گردی کا کوئی واقعہ پیش نہیں آیا۔

میں بھی بغیر کسی شیڈول کے نیشنل اسٹیڈیم کے انتظامات دیکھنے آیا ہوں، 25 مارچ کو پی ایس ایل فائنل کھیلا جائے گا اور اس کے لئے پورے شہر کو سجائیں گے۔

ایک سوال کے جواب میں انہوں نے کہا کہ نیشنل اسٹیڈیم کے مرمتی کام کا ایک مرحلہ مکمل ہوگیا، پی سی بی حکام سے نیشنل اسٹیڈیم کے مسئلے پربات ہوئی ہے۔

وزیراعلیٰ سندھ نے کہا کہ غیرملکی مہمانوں نے جہاں بھی گھومنے کی خواہش ظاہرکی انہیں وہاں کی سیر کرائیں گے، غیرملکی کھلاڑی اور مہمان کراچی میں آزادانہ گھوم پھرسکتے ہیں کیونکہ شہرمیں سیکیورٹی کا کوئی مسئلہ نہیں۔


مزید پڑھیں : پی ایس ایل کی فاتح ٹیم کے ساتھ جشن منائیں‌ گے، عمران خان


ان کا مزید کہنا تھا کہ پی ایس ایل تھری کے بعد ویسٹ انڈیز کی ٹیم بھی کراچی آئے گی، انشاءاللہ دیگر عالمی کرکٹ ٹیمیں بھی اب کراچی آتی رہیں گی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں