site
stats
پاکستان

ایم کیوایم کے غیرقانونی دفاتر ہرصورت مسمار ہونگے، مراد علی شاہ

کراچی : وزیراعلٰی سندھ مراد علی شاہ نے کہا ہے کہ ایم کیوایم کے غیرقانونی دفاتر ہر صورت مسمار ہونگے، انہوں نے رات گئے شہرکے مختلف علاقوں کا دورہ کیا اور ترقیاتی کاموں کا جائزہ لیا۔

تفصیلات کے مطابق وزیر اعلی سندھ سید مراد علی شاہ نے رات گئے اچانگ پرائیوٹ گاڑی میں شہر کے مختلف علاقوں کا دورہ کیا اور ترقیاتی کاموں کا جائزہ بھی لیا اور اسی دوران انہوں نے شہریوں کے ساتھ سیلفیاں بھی بنائیں، اس موقع پر ان کا کہنا تھا کہ ترقیاتی کاموں کا معائنہ کرنے نکلا ہوں، جب تک شہر میں ترقیاتی کام جاری ہیں دورے کرتا رہوں گا۔

وزیر اعلی نے میڈیا سے گفتگو میں کہا کہ ایم کیو ایم کے وہ دفاتر جو ناجائز تعمیرات تھے، انھیں گرایا جا رہا ہے، 22 اگست کے واقعے کے بعد امن و امان سے متعلق خدشات تھے، انھی خدشات کے پیش نظر کاروائی کی جارہی ہے۔

وزیراعلٰی نے کہا کہ ان کا مقصد عوام کو زیادہ سے زیاد ریلیف فراہم کرنا اور ٹریفک کے بڑھتے ہوئے مسائل کا فوری حل نکالنا ہے۔

وزیر اعلی نے ملیر مرغی خانہ کے نزدیک نشنل ہائی پر مرمتی کام کا معائنہ بھی کیا اور پان فروش کو بلا کر ترقیاتی کام کی رفتار کی معلومات لی، اسی دوران قائد آباد پل پر ون وے کی خلاف ورزی کرنے والی پولیس موبائل کو واپس بلوالیا اور ون وے کی خلاف ورزی کرنے والے پولیس اہلکار کو جھاڑ پلادی۔

وزیر اعلی سندھ نے ایس ایس پی ملیر راو انوار کو فون کیا اور خلاف ورزی کرنے والی پولیس موبائل کو وزیر اعلی ہاوس بلوالی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top