The news is by your side.

Advertisement

وزیر اعلیٰ سندھ کا شہر کے مختلف علاقوں کا بغیر پروٹوکول کے ہنگامی دورہ

کراچی : وزیراعلیٰ سندھ سید مراد علی شاہ نے بغیر پروٹوکول کے شہر قائد میں جاری ترقیاتی کاموں کا معائنہ کرتے ہوئے کہا ہے کہ شہر میں دہشت کا ماحول ختم ہوگیا، شہری بلا خوف راتوں کو بھی گھوم سکتے ہیں۔

تفصیلات کے مطابق وزیر اعلیٰ سندھ سید مراد علی شاہ نے بغیر پروٹوکول کے صوبائی وزرا اور پارٹی عہدہداران کے ہمراہ شہر قائد ہنگامی دورے کیے۔

سید مراد علی شاہ ن شہر کے دورے کے دوران لانڈھی، کورنگی، بہادرآباد، ٹیپو سلطان روڈ پر جاری ترقیاتی کاموں کا معائنہ بھی کیا، سن سیٹ گذری بلیو وارڈ برج کا کے تعمیر کے حوالے سے متعلقہ افسران نے وزیر اعلیٰ کو بریفنگ دی۔

وزیر اعلیٰ سندھ مراد علی شاہ نے افسران کو ہدایات جاری کی کہ 15 مئی تک پُل کی تعمیر مکمل کرکے عوام کے لیے کھول دیا جائے۔

سید مراد علی شاہ نے کورنگی میں بارہ ہزار روڈ کے معائنے کے دوران سڑک پر فٹ پاتھ کا کام جلد شروع کرنے کا حکم دیا۔ وزیر اعلیٰ سندھ نے ماضی میں ایم کیو ایم کا گڑھ سمجھے جانے والے علاقے عزیز آباد میں صوبائی وزرا کے ساتھ مل کر ریسٹورانٹ میں نہاری اور شیخ کباب کھایا۔

عزیز آباد میں کھانا کھاتے ہوئے مراد علی شاہ کا کہنا تھا کہ کراچی میں دہشت گردی کو مزید کام نہیں کرنے دیں گے، ایم کیو ایم سیاست کرے۔ شہر قائد کے عوام بلا خوف راتوں کو بھی گھوم سکتے ہیں، خوف کی فضا کو ختم کردیا۔


کراچی میں امن بڑی قربانیوں سے آیا ہے، دہشت کا ماحول ختم ہوگیا، مراد علی شاہ


وزیراعلیٰ مراد علی شاہ نے لیاری کےعلاقوں چاکیواڑہ اورموسیٰ لین کا بھی دورہ کیا، مراد علی شاہ نے لیاری میں مزار پر حاضری دی اور نوجوانوں سے گفتگو بھی کی۔

سید مرادعلی شاہ نے صدرفوڈ اسٹریٹ کا معائنہ بھی کیا اور دورے کے برنس روڈ کی لسی پی، کھیراورمیٹھا پان بھی کھایا۔ اس موقع پر صوبائی وزرا جام شورو، وزیر اطلاعات و نشریات سندھ سید ناصرحسین شاہ، رکن قومی اسمبلی سعیدغنی ودیگررہنما بھی ساتھ موجود تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں