وزیراعلیٰ سندھ نے خیرپور واقع کی جوڈیشل انکوائری کاحکم دے دیا -
The news is by your side.

Advertisement

وزیراعلیٰ سندھ نے خیرپور واقع کی جوڈیشل انکوائری کاحکم دے دیا

سکھر: سندھ حکومت نے خیرپور میں بلدیاتی انتخابات کے د وران فائرنگ سے جاں بحق ہونے والے افراد کی عدالتی تحقیقات سندھ ہائی کورٹ کے جج سے کرانے کا فیصلہ کیا ہے، جس کیلئے سندھ حکومت چیف جسٹس سندھ ہائی کورٹ کو کل باضابطہ طور پرخط لکھے گی۔

وزیر اعلیٰ سندھ کے ترجمان کے مطابق وزیر اعلیٰ نے چیف سیکریٹری سندھ کو یہ ہدایت کی ہے کہ وہ چیف جسٹس سندھ ہائی کورٹ کو واقعے کی عدالتی تحقیقات کیلئے خط لکھیں اور اس خط میں درخواست کی جائے کہ خیرپور سانحہ عدالتی تحقیقات کیلئے سندھ ہائی کورٹ کے جج کو مقرر کیا جائے ۔

واضح رہے کہ بلدیاتی انتخابات کے دوران خیرپور کی یونین کونسل دراز شریف میں دوران پولنگ فائرنگ ہوئی تھی جس سے مسلم لیگ فنکشنل کے گیارہ کارکنوں سمیت بارہ افراد جاں بحق ہوگئے تھے۔

مسلم لیگ فنکشنل کے رہنما سید اسماعیل شاہ راشدی پر گھات لگائے ہوئے ملزمان نے فائرنگ کی تھی جس سے وہ محفوظ رہے اور ان کے ساتھ جو لوگ تھے وہ جاں بحق ہوئے، مسلم لیگ فنکشنل نے حکومت کو ملزمان کی گرفتاری کیلئے اڑتالیس گھنٹے کا الٹی میٹم دے رکھا ہے۔

دوسری جانب خیرپور میں بلدیاتی الیکشن کے دوران پرتشدد واقعات میں جاں بحق ہونے والے افراد کی نماز جنازہ ادا کردی گئی۔

Comments

comments

یہ بھی پڑھیں