The news is by your side.

Advertisement

کورونا وائرس ، سندھ میں ایک دن میں ریکارڈ 38 اموات ، 310 مریضوں کی حالت تشویش ناک

کراچی : وزیراعلیٰ سندھ سید مراد علی شاہ نے کہا گزشتہ 24 گھنٹوں میں مزید 38 مریض انتقال کرگئے، اور اموات کی تعداد 465 تک جا پہنچی جبکہ 310 مریضوں کی حالت تشویش ناک ہے۔

تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال پر بیان پر کہا کہ گزشتہ 24 گھنٹوں میں مزید 38 مریض انتقال کرگئے، کورونا کے باعث انتقال کرنے والوں کی تعداد 465 ہوگئی ، یادرہے گذشتہ روز انتقال کرنے والوں کی تعداد 31 تھی، کورونا کے باعث اموات بڑھنے پر دل افسردہ ہے۔

وزیراعلیٰ سندھ کا کہنا تھا کہ آج کوروناکے1247 مریض سامنے آئےہیں، اس وقت 310 مریضوں کی حالت تشویش ناک ہے جبکہ آج 522 مریض صحت یاب ہوکر گھروں کو چلے گئے، جس کے بعد صحتیاب ہونے والوں کی تعداد 13272 ہوگئی۔

مراد علی شاہ نے کہا کہ گزشتہ 24 گھنٹےمیں 5481 ٹیسٹ کیےگئے، ٹیسٹس کےنتیجےمیں 1247 نئے مریض ظاہر ہوئے، اب تک کورونا وائرس کے 176703 ٹیسٹ کیےگئے، ٹیسٹوں کے نتیجے میں اب تک 27307 مریض سامنے آئے۔

ان کا کہنا تھا کہ اس وقت کورونا کے 13623 مریض زیر علاج ہیں، جس میں سے 12565 مریض گھروں میں آئسولیشن میں ہیں ، 127 قرنطینہ مراکز جبکہ 931 مختلف اسپتالوں میں زیر علاج ہیں، جبکہ کورونا وائرس کے 68 مریض وینٹی لیٹرز ہیں۔

کیسز کے حوالے سے وزیراعلیٰ سندھ نے کہا کراچی میں کورونا کے 923 کیسز رپورٹ ہوئے ، جن میں کورنگی میں215، شرقی میں 213 اوروسطی 183 ، جنوبی میں180، غربی میں 69 اور ضلع ملیر میں63 کیسز سامنے آئے ، اسی طرح گھوٹکی میں29، حیدرآباد میں24، لاڑکانہ میں23 ، جیکب آباد میں22، سکھر میں21، جامشورومیں14، شہید بینظیرا ٓبادمیں 8،سجاول میں7، خیرپور میں7 اور قمبرمیں5 ، کشمور اوردادومیں4،4، ٹھٹہ اور بدین میں3،3سانگھڑمیں ایک کیس رپورٹ ہوا۔

مراد علی شاہ نے کہا کہ احتیاطی تدابیر پر عمل نہ کرنے سےکیسوں کی تعداد بڑھ رہی ہے، عوام کو محتاط رہنا ہوگا، بصورت دیگر صورتحال بگڑ جائے گی۔

Comments

یہ بھی پڑھیں