site
stats
پاکستان

فاروق ستار کی گرفتاری کامجھے علم نہیں‘وزیراعلیٰ سندھ

کراچی: وزیراعلیٰ سندھ مرادعلی شاہ نے کہا کہ متحدہ قومی موومنٹ پاکستان کے سربراہ کی گرفتاری کے بارے میں‌مجھے کچھ علم نہیں‌ ہے،البتہ میں یہ جانتاہوں کہ عدالت نے فاروق ستار کے ناقابل ضمانت وارنٹ گرفتاری جاری کیے ہوئے ہیں.

تفصیلات کےمطابق وزیراعلیٰ سندھ مرادعلی شاہ نےمیڈیا سے گفتگو کرتے ہوئے کہا کہ گزشتہ رات جو کچھ ہوا اس کا مجھے علم نہیں ہے،واقعہ رات دیر گئے رونما ہوا تھا، میرا خیال ہے کہ پولیس نے فاروق ستار کوعدالت حاضری کے لیے روکا ہوگا،تاہم اس میں کوئی دو رائے نہیں ہے کہ ڈاکٹر فاروق ستار کو گرفتار نہیں کیا گیا تھا

وزیراعلیٰ سندھ مرادعلی شاہ نے کہا کہ عدالت نے پولیس کوفاروق ستار کی گرفتاری کا حکم دے رکھا ہے،انہیں کہا گیا تھا عدالت میں پیش ہوں یا ضمانت کرالیں.

ڈاکٹر فاروق ستار کی ڈرامائی گرفتاری اور ایک گھنٹے بعد رہائی

واضح رہے کہ گذشتہ شب سربراہ متحدہ قومی موومنٹ پاکستان فاروق ستار کی ڈرامائی گرفتاری اور ایک گھنٹے بعد رہائی عمل میں‌ آئی تھی. ان کی گرفتاری جب عمل میں‌آئی جب وہ شادی کی ایک تقریب میں شرکت کے بعد پی آئی بی کالونی میں واقع اپنے گھر واپس جا رہے تھے،انہیں پی اے ایف میوزیم شاہراہ فیصل پر گرفتار کرلیا گیا تھا،بعدازاں انہیں ایک گھنٹے بعد رہا بھی کردیاگیا تھا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top