site
stats
سندھ

کراچی آپریشن کو کسی صورت متاثر نہیں ہونے دیں گے، وزیر اعلیٰ سندھ

کراچی : وزیر اعلیٰ سندھ سید قائم علی شاہ نے کہا ہے کہ قانون کے مطابق کارروائی پر احتجاج بلاجواز ہے، ایسی ہڑتالوں یا احتجاج سے کراچی آپریشن کو متاثر نہیں کیا جاسکتا۔

تفصیلات کے مطابق ایم کیو ایم کی جانب سے ڈاکٹر فاروق ستار کے گھر پر چھاپے کے خلاف پریس کلب پر احتجاج کے دوران وزیر اعلیٰ سندھ اور کراچی آپریشن کے کپتان اچانک پریس کلب پہنچ گئے۔

پریس کلب میں منعقدہ تقریب سے خطاب کرتے ہوئے قائم علی شاہ نے کہا کہ ’’ہڑتالیں کراچی آپریشن کو کسی صورت متاثر نہیں کرسکتیں، اگر قانون نافذ کرنے والے اداروں کی جانب سے قانون کو مدنظر رکھتے ہوئے کارروائی کی گئی تو اس پر احتجاج کا جواز پیدا نہیں ہوتا‘‘۔

ایم کیو ایم پر تنقید کرتے ہوئے وزیر اعلیٰ سندھ نے کہا کہ ’’ کچھ لوگ پانی اور عوام کی تکالیف پر سیاست کرتے ہیں اور غصے سے بھرے لوگوں کو جمع کر کے وزیراعلیٰ ہاؤس کا رُخ کرتے ہیں۔

وزیر اعلیٰ نے کہا پانی کے مسئلے کے لیے کے فور منصوبے پر کام جاری ہے اور اس ضمن میں وفاق سے تعاون مانگا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top