وزیراعلیٰ سندھ کا مختلف علاقوں کا دورہ ، نوجوانوں کےساتھ کرکٹ کھیلی -
The news is by your side.

Advertisement

وزیراعلیٰ سندھ کا مختلف علاقوں کا دورہ ، نوجوانوں کےساتھ کرکٹ کھیلی

کراچی : وزیر اعلی سندھ سید مراد علی شاہ کا رات گئے شہر کے مختلف علاقوں کا دورہ کیا اور ترقیاتی کاموں کا جائزہ لیا جبکہ وزیر اعلی سندھ نائٹ کرکٹ کھیلنے والے نوجوانوں میں گھل مل گئے اور بیٹنگ کی اور زوردار شاٹ بھی لگایا۔

وزیر اعلی سندھ سید مراد علی شاہ نے رات گئے شہر کے مختلف علاقوں کا دورہ کیا اس موقع پر وزیر اطلاعات ناصر شاہ، وزیر بلدیات جام خان شورو اور وزیر قانون ضیاالحسن بھی موجود تھے۔

وزیراعلیٰ کا ترقیاتی کاموں کا جائزہ

وزیر اعلیٰ سندھ برنس روڈ اور ایمپریس مارکیٹ گئے، جہاں انہوں نے صفائی ستھرائی کے انتظامات کا جائزہ لیا، جس کے بعد وزیر اعلی نے یونیورسٹی روڈ کا رخ کیا جہاں ترقیاتی کاموں کا جائزہ لیا۔

گلشن اقبال کے دورے پر وزیر اعلیٰ سندھ نائٹ کرکٹ کھیلنے میں مصروف نوجوانوں میں گھل مل گئے اور کچھ دیر انکے ساتھ کرکٹ کھیلی، وزیر اعلیٰ نے لوز بال ملتے ہی چھکا لگا کر سیاست کے ساتھ ساتھ کرکٹ میں بھی اپنی مہارت کاعملی مظاہرہ کر ڈالا۔

وزیراعلیٰ سندھ نے بہادر آباد کے نزدیک ایک ریسٹورنٹ میں دیگر وزرا کے ساتھ سحری بھی کی ، وزیراعلی کا کھانے کا بل 8 ہزار 2 سو پچھتر روپے بنا، اس دوران وزیر اعلی کا کہنا تھا کہ وہ اکثر ترقیاتی کاموں کا جائزہ لینے کے لیئے دورے کرتے ہیں۔

ایک سوال کے جواب میں وزیر اعلی نے اعتراف کیا کہ ترقیقاتی کاموں میں کچھ تاخیر ہوگئی ہے تاہم اگلے سال کی ترقیاتی اسکیمز پر جولائی کے مہینے سے ہی کام شروع کر دیا جائے گا، وزیراعلیٰ نے یہ بھی بتا دیا کہ تمام تر ذمہ داریوں کے باوجود وہ اب بھی 6 سے 7 گھنٹے نیند کر لیتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں