وزیر اعلیٰ سندھ کا شہر کا دورہ، صفائی کی صورتحال پر مطمئن -
The news is by your side.

Advertisement

وزیر اعلیٰ سندھ کا شہر کا دورہ، صفائی کی صورتحال پر مطمئن

کراچی: وزیر اعلیٰ سندھ قائم علی شاہ دبئی جانے کے لیے روانہ ہوگئے۔ اس سے قبل انہوں نے شہر کے مختلف علاقوں کا دورہ کیا۔ میڈیا سے گفتگو کرتے ہوئے انہوں نے بتایا کہ وہ رینجرز کے اختیارات کے معاملے پر مشاورت کے لیے دبئی جا رہے ہیں۔

تفصیلات کے مطابق آج وزیر اعلیٰ سندھ شہر کی صفائی ستھرائی کا جائزہ لینے کے لیے شہر کے دورے پر نکلے۔ ان کے ہمراہ ایڈیشنل آئی جی، کمشنر کراچی، ایڈمنسٹریٹر اور وزیر بلدیات سندھ جام خان شورو بھی موجود تھے۔

کراچی میں صفائی کا حکم: وزیر اعلیٰ سندھ کے احکامات کچرے کی نذر *

وزیر اعلیٰ نے کراچی کے علاقوں صدر، ایمپریس مارکیٹ، بوٹ بیسن، گلشن اقبال، پرانی سبزی منڈی، حسن اسکوائر اور شاہراہ فیصل کا دورہ کیا جبکہ شیڈول میں شامل گجر نالے پر انتظامیہ وزیر اعلیٰ سندھ کے منتظر ہی رہ گئے۔

وزیر اعلیٰ کی آمد سے قبل صدر اور ایمپریس مارکیٹ میں جھاڑو لگوادی گئی تھی۔ بوٹ بیسن کے علاقے میں بھی پہلے ہی نالے کی صفائی کروا لی گئی۔ وزیر اعلیٰ اپنے احکامات پر عمل درآمد دیکھ کر خوش ہوئے۔

دورے کے بعد میڈیا سے گفتگو کرتے ہوئے وزیر اعلیٰ نے بتایا کہ وہ رینجرز کے اختیارات کے معاملے پر مشاورت کے لیے دبئی جا رہے ہیں۔ اعلیٰ قیادت سے مشاورت کے بعد رینجرز کے اختیارات پر فیصلہ ہوگا۔

وزیر اعلیٰ کا کراچی کے 4 اہم نالوں کی صفائی کا حکم، فنڈ جاری *

انہوں نے کہا کہ شہر میں صفائی کی مجموعی صورتحال بہتر ہو رہی ہے۔ صفائی کی صورتحال پر کسی کو بیوقوف نہیں بنایا۔ اپنی گاڑی کو مرضی سے شہر کے مختلف علاقوں میں لے کر گیا۔

شہر کا دورہ کرنے کے بعد وزیر اعلیٰ دبئی جانے کے لیے ایئرپورٹ روانہ ہوگئے۔

Comments

comments

یہ بھی پڑھیں