The news is by your side.

Advertisement

وزیراعلیٰ سندھ کی نااہلی: سپریم کورٹ میں کیس کی سماعت 2 ہفتے کے لیے ملتوی

اسلام آباد: سپریم کورٹ میں وزیراعلیٰ سندھ کی نااہلی کے خلاف درخواست پر سماعت کے دوران جسٹس عمرعطا بندیال نے ریمارکس دیے کہ کیس چلانا ہے تو آج بھی سماعت کے لیے تیار ہیں۔

تفصیلات کے مطابق سپریم کورٹ آف پاکستان میں وزیراعلیٰ سندھ مراد علی شاہ کی نا اہلی کے خلاف درخواست پر سماعت کے دوران وکیل درخواست گزار نے کہا کہ اس بینچ کے ایک جج نے کیس ہائی کورٹ میں سنا۔

جسٹس منیب اختر نے ریمارکس دیے کہ ضروری نہیں سمجھتا کہ اس معاملے سے الگ ہوں، ویسے بھی یہ نظر ثانی کی درخواست ہے، وکیل نے دلائل دیتے ہوئے کہا کہ پھر عدالت نظر ثانی کی درخواست سماعت کے لیے منظور کرے۔ جسٹس عمرعطا بندیال نے ریمارکس دیے کہ کیس چلانا ہے تو آج بھی سماعت کے لیے تیار ہیں۔

درخواست گزار کے وکیل نے کہا کہ کیس کے فیصلے میں ججوں کا اختلاف رائے موجود ہے، فیصلہ دینے والا ایک جج ریٹائر اور ایک آج کے بینچ کا حصہ نہیں ہے۔ درخواست گزار کے وکیل نے مقدمے پر لارجر بینچ بنانے کی استدعا کردی۔

وکیل مخدوم علی نے دلائل دیتے ہوئے کہا کہ نظرثانی درخواست میں لارجر بینچ کی مثال موجود نہیں ہے۔ جسٹس عمرعطا بندیال نے ریمارکس دیے کہ پہلے مطمئن کریں پھر لارجر بینچ کا معاملہ دیکھیں گے۔

بعدازاں سپریم کورٹ آف پاکستان نے وزیراعلیٰ سندھ کی نااہلی کے خلاف درخواست پر سماعت 2 ہفتے تک کے لیے ملتوی کردی۔

fb-share-icon0
Tweet 20

Comments

comments

یہ بھی پڑھیں