The news is by your side.

Advertisement

پولیس شہداء کے خاندانوں کے لئے بڑا اعلان

لاہور : وزیراعلیٰ عثمان بزدار نے پولیس شہداء کے خاندانوں کے 2 افراد کو ملازمت دینے اعلان کرتے ہوئے اس ضمن میں قانونی کارروائی جلد مکمل کرنے کی ہدایت کردی۔

تفصیلات کے مطابق وزیراعلیٰ پنجاب سردار عثمان بزدار نے سنٹرل پولیس آفس کا دورہ کیا ، اس موقع پر عثمان بزدار نے شہید پولیس افسران، اہلکاروں کی فیملی کے 2 افراد کو ملازمت دینے کی اصولی منظوری دیتے ہوئے اس ضمن میں قانونی کارروائی جلد مکمل کرنے کی بھی ہدایت کردی۔

وزیراعلیٰ پنجاب نے سی پی او آفس میں سینئر پولیس افسران سے خطاب کرتے ہوئے کہا کہ پولیس کو سیاسی دباؤ سے مکمل آزاد کیا ہے، پہلی بار پولیس سیاسی دباؤ سے آزاد ہو کر فرائض سرانجام د ے رہی ہے، پولیس میں میرٹ پر تعیناتیاں کی ہیں، انارکلی دھماکے کے ملزمان جلد قانون کی گرفت میں ہوں گے۔

عثمان بزدار نے پولیس افسران کو باقاعدگی سے کھلی کچہریاں لگانے کی ہدایت کرتے ہوئے کہا پنجاب سیف سٹی اتھارٹی کا دائرہ کار پنجاب بھر میں بڑھایا جائے گا، سیف سٹی اتھارٹی میں بھرتیوں کی منظوری دے دی ہے۔

ان کا کہنا تھا کہ ڈی جی خان ،راجن پور میں بلوچ لیوی کی کمانڈپولیس کے حوالے سے کردی ہے اور 304تھانوں کو اسپیشل انیشیئٹوپولیس اسٹیشن کا درجہ دیا جا رہا ہے جبکہ 90تھانےاسپیشل انیشیئٹوپولیس اسٹیشن میں تبدیل کئے گئے ہیں۔

وزیراعلیٰ پنجاب نے بتایا کہ پنجاب پولیس کی 12278 آسامیوں پر بھرتی کی جا رہی ہے اور  5774 بھرتیاں مکمل ہو چکی ہیں۔

Comments

یہ بھی پڑھیں