The news is by your side.

Advertisement

اپوزیشن نے منفی سیاست کرکے قوم کو تقسیم کرنے کی ناکام کوشش کی، عثمان بزدار

لاہور : وزیراعلیٰ پنجاب عثمان بزدار نے کہا ہے کہ اپوزیشن نے کورونا پر منفی سیاست کرکے قوم کو تقسیم کر نے کی ناکام کوشش کی، عوام کے تعاون سے کورونا روکنے میں مدد ملی۔

یہ بات انہوں نے لاہور میں میڈیا سے گفتگو کرتے ہوئے کہی، انہوں نے کہا کہ عیدالاضحی پر کورونا کا پھیلاؤ  روکنے کیلئے احتیاطی تدابیر پرعمل ضروری ہے، حکومت کی مخلصانہ کوششوں اور عوام کے تعاون سے کورونا وائرس کے پھیلاؤ کو روکنے میں مدد ملی ہے۔

وزیراعلیٰ پنجاب کا کہنا تھا کہ عوام کو عید الاضحی کے موقع پر بھی احتیاطی تدابیر کا دامن نہیں چھوڑنا چاہیے، گھر میں رہیں محفوظ رہیں پر عمل کر کےشہری خودکواور دوسروں کوکورونا سے بچائیں، میل جول جتنا کم ہو گا، اتنا ہی بیماری کا پھیلاؤ کم ہوگا،

عثمان بزدار نے کہا کہ اپوزیشن کے رہنماؤ ں نے کورونا وائرس کی صورتحال پر  پر منفی سیاست کرکے قوم کو تقسیم کرنے کی ناکام کوشش کی، پاکستانی قوم منفی سیاست کرنے والوں کو کبھی معاف نہیں کرے گی۔

انہوں نے کہا کہ وزیراعظم کی قیادت میں حکومت کی اسمارٹ لاک ڈاؤن پالیسی کا میاب رہی، تنقید برائے تنقید کرنے والے عناصر کو اب چپ کاروزہ رکھ لینا چاہیے۔

 مزید پڑھیں : کورونا وائرس کے تصدیق شدہ و مشتبہ مریضوں میں 60 فیصد کمی کا انکشاف

ان کا مزید کہنا تھا کہ تحریک انصاف کی قیادت نے کورونا وبا میں عوام کو تنہا نہیں چھوڑا، اپوزیشن مشکل کی گھڑی میں عوام کو تنہا چھوڑ کر بیان داغنے تک محدود رہی۔

Comments

یہ بھی پڑھیں