The news is by your side.

Advertisement

کشمیری عوام کیخلاف بھارتی سازش کامیاب نہیں ہونے دیں گے، سردارعثمان بزدار

لاہور : وزیراعلیٰ پنجاب عثمان بزدار نے کہا ہے کہ کشمیری عوام کے کیخلاف بھارتی سازش کامیاب نہیں ہونے دیں گے، عالمی برادری کو سلگتے مسئلے پر متوجہ ہونا پڑے گا۔

ان خیالات کا اظہار انہوں نے پی ٹی آئی پنجاب کے صدر اعجازچوہدری سے ملاقات کے موقع پر گفتگو کرتے ہوئے کیا، انہوں نے کہا کہ مودی سرکار کے ظلم کی شب ختم ہونے کے قریب ہے۔

کشمیر کی آزادی کا دن اب زیادہ دور نہیں، بھارت کو ہر سطح پر رسوائی کا سامنا کرنا ہوگا۔ پاکستان اور کشمیر نہ ٹوٹنے والے بندھن میں بندھےہیں۔؎

آج نہیں تو کل کشمیر آزاد ہو کر رہے گا۔ وزیراعلیٰ پنجاب نے یوم سیاہ کی ریلیوں میں شرکت پر پنجاب کے عوام سے اظہار تشکر کرتے ہوئے کہا کہ کشمیر کا پاکستان سے انمٹ رشتہ ہے، کڑے وقت اوربحران کی کیفیت میں کشمیر یوں کے ساتھ ہیں، پاکستان کشمیر کے بغیر نا مکمل ہے۔

اس موقع پر وزیراعلی عثمان بزدار اور اعجاز چودھری نے ایل او سی ہر بھارتی فوج کی بلا اشتعال فائرنگ سے شہید فوجی جوانوں کی بہادری کو سلام پیش کیا۔

انہوں نے کہا شہید فوجی جوان ہمار ے ماتھے کا جھومر ہیں، وطن پر نثار ہونے والے شہداء کی عظیم قربانی پر ناز ہے، پاکستان کی مسلح افواج دفاع وطن کیلئے ہمہ وقت تیار ہے، بھارت کا جارحیت پسند رویہ خطے کے امن کیلئے خطرہ ہے۔

Comments

comments

یہ بھی پڑھیں