The news is by your side.

Advertisement

یو اے ای کے سفیر کی عثمان بزدار کو متحدہ عرب امارات کے دورے کی دعوت

لاہور : وزیراعلیٰ پنجاب عثمان بزدار نے یواے ای کے سرمایہ کاروں کو اسپیشل اکنامک زونز اور راوی ڈویلپمنٹ پراجیکٹ میں سرمایہ کاری کی دعوت دے دی جبکہ متحدہ عرب امارات کے سفیرنے عثمان بزدار کو دورے کی دعوت دی۔

تفصیلات کے مطابق وزیراعلیٰ پنجاب عثمان بزدار سے متحدہ عرب امارات کے سفیر  حمد عبید الزعابی کی ملاقات ہوئی ، ملاقات میں باہمی دلچسپی کےامور،دو طرفہ تعلقات کےفروغ پرتبادلہ خیال کیا گیا اور ہاؤسنگ،صنعت،تجارتی وکاروباری سیکٹرزمیں باہمی تعاون بڑھانے پر اتفاق کیا۔

ملاقات میں فیصلہ کیا گیا کہ قریبی رابطوں کے تسلسل کو برقرار رکھا جائے گا۔

متحدہ عرب امارات کے سفیر نے کورونا کیخلاف پنجاب حکومت کے اقدامات کوسراہتے ہوئے کہا پنجاب حکومت نے کوروناپھیلاؤ روکنے کیلئے بہتر کام کیا۔

وزیراعلیٰ پنجاب عثمان بزدار نے کہا کہ پاکستان،متحدہ عرب امارات کےبہترین دوستانہ تعلقات ہیں، پاکستان میں پہلی بارپنجاب میں 13 اسپیشل اکنامک زونزبنارہےہیں، 2اسپیشل اکنامک زونزپرکام شروع ہے، بہاولپورمیں تیسرےاسپیشل اکنامک زون کاجلدسنگ بنیاد رکھا جائے گا۔

عثمان بزدار نے کہا کہ لاہور کے قریب راوی کنارے نیا شہر بسائیں گے، نئے شہر سے آلودگی اور زیر زمین پانی کی کم ہوتی سطح کامسئلہ حل ہوگا۔

وزیراعلیٰ پنجاب نے یواے ای کے سرمایہ کاروں کواسپیشل اکنامک زونز اور راوی ڈویلپمنٹ پراجیکٹ میں سرمایہ کاری کی دعوت دی اور کہا پنجاب میں ملکی و غیر ملکی سرمایہ کاروں کیلئے انتہائی سازگار ماحول ہے۔

ان کا کہنا تھا کہ پنجاب حکومت نے کوروناٹیسٹنگ کی صلاحیت میں کئی گنااضافہ کیا، محرم کے بعد تعلیمی اداروں کو کھولنے کیلئے اقدامات کر رہے ہیں جبکہ رحیم یار خان میں شیخ زیداسپتال ٹوشروع کرنے کا منصوبہ بنایا ہے۔

متحدہ عرب امارات کے سفیر کی وزیراعلیٰ پنجاب عثمان بزدار کو دورے کی دعوت دی ، جس پر عثمان بزدار نے کہا پہلی فرصت میں متحدہ عرب امارات کا دورہ کروں گا۔

سفیر متحدہ عرب امارات کا کہنا تھا کہ پنجاب حکومت کےساتھ باہمی تعاون کو فروغ دیں گے اور دونوں ممالک میں مختلف شعبوں میں تعاون بڑھائیں گے۔

دوسری جانب گورنر پنجاب چوہدری محمدسرور  سے متحدہ عرب امارات کے سفیر حمد عبید الزعابی کی ملاقات ہوئی، جس میں دو طرفہ تعلقات،خطےکی صورت حال اوردیگرامورپربات چیت کی گئی۔

گورنرپنجاب نےمعاشی،اقتصادی شعبےمیں متحدہ عرب امارا ت کےتعاون کو سراہتے ہوئے کہا پاکستان عرب امارات سے تعلقات کو بہت اہمیت دیتا ہے، تعلقات کی مشترکہ بنیادیں مذہبی، ثقافتی،تاریخی نوعیت کی ہیں۔

چوہدری سرور کا مزید کہنا تھا کہ دونوں ممالک میں باہمی تعلقات،مزیدمستحکم،گہرےہورہےہیں، ہاؤسنگ سمیت دیگرشعبوں میں سرمایہ کاری کےمواقع ہیں۔

اماراتی سفیر نے کہا کہ ہمیشہ سے پاکستان کو اپنا گھر سمجھتے ہیں اس کی مضبوطی چاہتےہیں، دونوں ممالک کی قیادت ایک دوسرے کیساتھ مکمل تعاون کر رہی ہے، پاکستان،متحدہ عرب امارات کےدوستانہ تعلقات زیادہ مضبوط ہورہے ہیں۔

Comments

یہ بھی پڑھیں