ہمارا ایجنڈا صرف اورصرف عوام کی خدمت ہے‘ عثمان بزدار -
The news is by your side.

Advertisement

ہمارا ایجنڈا صرف اورصرف عوام کی خدمت ہے‘ عثمان بزدار

لاہور: وزیراعلیٰ پنجاب سردارعثمان بزدار کا کہنا ہے کہ ترقی اورخوشحالی کے پروگرام پرعمل سے مثبت نتائج نکلیں گے۔

تفصیلات کے مطابق لاہور میں وزیراعلیٰ پنجاب سردارعثمان بزدار سے صوبائی وزیربلدیات عبدالعلیم خان اور وزیر قانون پنجاب راجہ بشارت نے ملاقات کی۔

اس موقع پر وزیراعلیٰ پنجاب نے کہا کہ عوام کی فلاح وبہبود کے لیے جامع روڈ میپ تیار کرلیا ہے، ترقی اورخوشحالی کے پروگرام پر عمل سے مثبت نتائج نکلیں گے۔

سردارعثمان بزدار کا کہنا تھا کہ ہمارا ایجنڈاصرف اورصرف عوام کی خدمت ہے، فلاح عامہ کے پروگراموں کو مقررہ مدت میں مکمل کیا جائے گا۔

دوسری جانب وزیرقانون پنجاب راجہ بشارت کا کہنا ہے کہ وزیراعظم کی ہدایت پر 100 روزہ پلان میں ترجیحات کا تعین کیا، طے کردہ ترجیحات پرآئندہ 5 سال میں کام کریں گے۔

قانون کی بالادستی، میرٹ اور شفافیت کا فروغ ہمارا ہدف ہے، عثمان بزدار

یاد رہے کہ گزشتہ ماہ وزیراعلیٰ پنجاب عثمان بزدار کا کہنا تھا کہ اصلاحاتی ایجنڈے پر تیزی سے کام کیا جارہا ہے، وزیراعظم عمران خان اپنی صلاحیتوں سے عوام کو ان کی منزل تک پہنچائیں گے۔

وزیراعلیٰ پنجاب عثمان بزدار کا مزید کہنا تھا کہ حکومت نے ذاتی مفادات کی بجائے ملکی مفادات کی سیاست کو اپنایا ہے، قانون کی بالادستی، میرٹ اور شفافیت کا فروغ ہمارا ہدف ہے۔

Comments

comments

یہ بھی پڑھیں