تبدیلی کے سفرمیں کسی کو رکاوٹ نہیں ڈالنے دیں گے‘ عثمان بزدار  -
The news is by your side.

Advertisement

تبدیلی کے سفرمیں کسی کو رکاوٹ نہیں ڈالنے دیں گے‘ عثمان بزدار 

لاہور: وزیراعلیٰ پنجاب سردار عثمان بزدار نے کہا کہ تبدیلی آ چکی ہے، ترقی وخوشحالی کے حقیقی منصوبے آگے بڑھائیں گے۔

تفصیلات کے مطابق وزیراعلیٰ پنجاب کا کہنا ہے کہ عوام کی خدمت کا ایجنڈا لے کر آئے ہیں، تبدیلی کے سفر میں کسی کو رکاوٹ نہیں ڈالنے دیں گے۔

سردار عثمان بزدار نے کہا کہ سابق ادوارمیں قومی وسائل نمائشی منصوبوں پرضائع کیے گئے، موجودہ حکومت نے مختصرعرصے میں عام آدمی کی فلاح کےعملی اقدامات کیے ہیں۔

وزیراعلیٰ پنجاب نے کہا کہ تبدیلی آ چکی ہے،ترقی وخوشحالی کےحقیقی منصوبےآگےبڑھائیں گے، وزیراعظم کی قیادت میں پاکستان کھوئی ہوئی منزل کی جابب بڑھ ر ہا ہے۔

قانون کی بالادستی اوربدعنوانی کا خاتمہ ہمارا مشن ہے‘ عثمان بزدار

یاد رہے کہ گزشتہ ہفتے وزیراعلیٰ پنجاب کا کہنا تھا کہ جس معاشرے میں انصاف کا حصول نہیں وہاں بگاڑپیدا ہوجاتا ہے، انصاف اورقانون کی بالا دستی کوہرصورت یقینی بنائیں گے۔

سردار عثمان بزدار کا کہنا تھا کہ قانون کی بالا دستی اوربد عنوانی کا خاتمہ ہمارامشن ہے، انصاف پرمبنی معاشرہ سماجی، معاشرتی، اقتصادی ترقی کے لیے ناگزیرہے۔

وزیراعلیٰ پنجاب کا کہنا تھا کہ انصاف کی فراہمی، قانون کی حکمرانی یقینی بنانا ریاست کی ذمہ داری ہے، قانون کی عملداری کویقینی بنانے کے لیے آخری حد تک جائیں گے۔

Comments

comments

یہ بھی پڑھیں