The news is by your side.

Advertisement

‘سابق حکمرانوں نے جنوبی پنجاب کےعوام کو دھوکہ دیا’

لاہور: وزیراعلیٰ پنجاب عثمان بزدار کا کہنا ہے کہ سابق حکمرانوں نے جنوبی پنجاب کے عوام کو دھوکہ دیا،پی ٹی آئی حکومت جنوبی پنجاب صوبہ بنائے گی۔

تفصیلات کے مطابق ان خیالات کا اظہار انہوں نے وزیراعلیٰ ہاؤس میں جنوبی پنجاب کے اراکین صوبائی اسمبلی سے ملاقات میں کیا، ملاقات کرنے والوں میں ملک واصف مظہر راں اور سلیم اختر شامل تھے۔

اس موقع پر اراکین نے جنوبی پنجاب صوبے کےبل پر وزیراعظم ، وزیراعلیٰ کو مبارکباد دی، وزیراعلیٰ پنجاب کا کہنا تھا کہ جنوبی پنجاب صوبےکا بل حکومت کا تاریخ ساز اقدام ہے اور حکومت کے ایک اور وعدےکی تکمیل کا ٹھوس قدم ہے، سابق حکمرانوں نے جنوبی پنجاب کےعوام کو دھوکہ دیا ماضی میں جنوبی پنجاب کےفنڈز کو دیگر شہروں پر خرچ کیا گیا۔

عثمان بزدار نے کہا کہ جنوبی پنجاب سیکریٹریٹ کا قیام اور خودمختاری کا اعزاز ہمیں حاصل ہے، پی ٹی آئی حکومت جنوبی پنجاب صوبہ بھی بنائے گی، ہم نے جنوبی پنجاب کیلئےملازمتوں میں32فیصد کوٹہ مختص کیا ہے۔

اپوزیشن کو تنقید کا نشانہ بناتے ہوئے وزیراعلیٰ پنجاب نے کہا کہ جنوبی پنجاب پرسیاست چمکانےکی کوشش بری طرح ناکام ہوچکی ہے،جنوبی پنجاب سمیت پورے صوبے کی ترقی ہمارا ایجنڈا ہے، ہم سیاست نہیں عوام کی خدمت کا عزم لے کر نکلے ہیں، اللہ کے کرم سے جنوبی پنجاب میں ترقی وخوشحالی کا نیا دور شروع ہوچکا۔

Comments

یہ بھی پڑھیں