سی این جی کی قیمت میں دو روپے فی کلو اضافہ -
The news is by your side.

Advertisement

سی این جی کی قیمت میں دو روپے فی کلو اضافہ

کراچی : گیس اسٹیشنز مالکان نے سی این جی کی قیمت میں دو روپے فی کلو کا من مانا اضافہ کردیا جس کے بعد گیس کی قیمت 73 روپے فی کلو ہوگئی۔

اطلاعات کے مطابق وفاقی حکومت کی جانب سے گیس کی قیمتوں کا اختیار پمپ مالکان کو ملتے ہی سی این جی اسٹیشنز مالکان مافیا بن گئے اور انہوں نے سی این جی کی قیمت میں اچانک 2 روپے فی کلو کا بلا جواز اضافہ کردیا۔

شہر کے 70 فیصد سی این جی اسٹیشنز پر گیس کی 73 روپے فی کلو میں فروخت کی جارہی ہے۔ حکومت کے ڈی ریگولیٹ کے بعد سے ایک ماہ میں یہ دوسری بار اضافہ کیا گیا ہے اور اس دوران سی این جی کی قیمت میں ساڑھے 5روپے فی کلو کا خود ساختہ اضافہ کیا گیا ہے۔

دوسری جانب سی این جی ایسوسی ایشن کے عہدیداران نے کہا ہے کہ سی این جی کی قیمت میں اضافے کا فیصلہ نہیں ہوا۔

چیئرمین سی این جی ایسوسی ایشن کے مطابق قیمت میں اضافے کا فیصلہ آئندہ ہفتے کریں گے، واضح رہے کہ حکومت نے گیس کی قیمت میں 24 روپے فی ایم ایم بی ٹی یو اضافہ کیا تھا۔

Comments

comments

یہ بھی پڑھیں