The news is by your side.

Advertisement

سندھ حکومت نے تمام اسکول وین مالکان سے متعلق مکمل کوائف طلب کرلئے

کراچی : سندھ بھر کی اسکول وینوں سے متعلق مکمل کوائف تین دن میں طلب کرلئے گئے، کمشنر کراچی نے اسکول وینوں کے لیے پیلارنگ مخصوص کرنے کا فیصلہ کرلیا۔

تفصیلات کے مطابق سندھ حکومت نے صوبے بھر کی اسکول وینوں سے متعلق مکمل کوائف طلب کرلئے ہیں، اس حوالے سے ڈائریکٹر جنرل پرائیویٹ انسٹی ٹیوشن حکومت سندھ نے نوٹیفکیشن جاری کردیا ہے۔

حکم نامہ میں کہا گیا ہے کہ تین دن میں مکمل کوائف فراہم کیے جائیں، نوٹیفکیشن میں مزید کہا گیا ہے کہ تمام نجی اسکولوں کو وین ڈرائیورز کے لئے ڈیٹا فارم جاری کیسے کیا گیا؟

اس سے پہلے اسکول وین ڈرائیورز کے کوائف متعلقہ اسکولوں کے پاس موجود نہیں تھا، ڈیٹا فارم میں اسکول وین مالکان، ڈرائیوروں اور کلینروں کی تفصیلات طلب کی گئیں ہیں.ڈائریکٹرجنرل پرائیویٹ انسٹی ٹیوشن سندھ نے نجی اسکولوں کو احکامات جاری کردیئے۔

کمشنر کراچی کا تمام اسکول وینوں کا رنگ پیلا کرنے کا فیصلہ

علاوہ ازیں کمشنر کراچی نے ہدایت دی ہے کہ تمام اسکول وینوں کا رنگ مخصوص کردیا جائے، اسکول وینوں میں گیس سلنڈر کے استعمال پر قانونی طور پر پابندی ہے، اس قانون پر سختی سے عملدرآمد کرایا جائے۔

یہ بات انہوں نے اسکول وینوں میں گیس سلنڈر استعمال سے متعلق اہم اجلاس سے خطاب کرتے ہوئے کیا، اجلاس میں ڈی آئی جی ٹریفک اور محکمہ ٹرانسپورٹ کے افسران بھی موجود تھے۔

سی این جی  سلنڈرکی بندش، اسکول وین ایسوسی ایشن کا ہڑتال کا اعلان

واضح رہے کہ اسکول ویننز ایسوسی ایشن نے سی این جی کی بندش پر گزشتہ روز شہر بھر میں ہڑتال کا اعلان کیا تھا، وین ڈرائیورز ایسوسی ایشن کی جانب سے لکی اسٹار سے کراچی پریس کلب تک ریلی نکالی گئی۔،

ایسوسی ایشن کے عہدیداران کا کہنا ہے کہ سی این جی کی بندش روز کا معمول بن گئی ہے، ہم مہنگائی کے دور میں گاڑیاں پیٹرول پر نہیں چلا سکتے، ٹریفک پولیس اہلکار بھی ڈرائیورز کو سی این جی استعمال کرنے پر ہراساں کرتے ہیں۔

یاد رہے کہ شہر بھر میں روزانہ سیکڑوں بچے وین کے ذریعے اسکول جاتے ہیں، 6 جنوری کو اورنگی ٹاؤن میں اسکول وین میں آگ لگنے کا واقعہ پیش آیا تھا جس میں 14 کے قریب بچے جھلس کر زخمی ہوئے تھے۔

Comments

comments

یہ بھی پڑھیں