The news is by your side.

Advertisement

پنجاب سی این جی اسٹیشنزکوگیس کی سپلائی4 روز کیلئے بند

لاہور : پنجاب میں سی این جی اسٹیشنز کو گیس کی سپلائی چار روز کیلئے بند کر دی گئی، سی این جی کی بندش پر عوام نے شدید غم و غصے کا اظہار کیا ہے۔

تفصیلات کے مطابق لاہور سمیت پنجاب بھر میں سی این جی اسٹیشنز کو گیس کی سپلائی چار روز کیلئے بند کردی گئی، جس سے شہریوں کو شدید پریشانی کا سامنا کرنا پڑ رہا ہے، آج صبح سات بجے سے آٹھ اپریل صبح سات بجے تک اسٹیشنزکوسی این جی کی سپلائی بند رہے گی۔

سوئی ناردرن نے فیصلے سے سی این جی ایسوسی ایشن کو آگاہ کردیا ہے۔ سوئی ناردرن نے سی این جی ایسوسی ایشن کو بتایا ہے کہ ایل این جی ٹرمینل کی مینٹی نینس کے باعث سی این جی اسٹیشنز کو گیس معطل رہے گی۔


مزید پڑھیں : پنجاب: سی این جی اسٹیشنز مزید 3 دن بند رکھنے کا فیصلہ


سی این جی اسیٹنشنز مالکان کا کہنا ہے کہ اپریل میں سی این جی بندش کا کوئی جواز نہیں۔

دوسری جانب سی این جی کی بندش پر عوام نے بھی غم و غصے کا اظہار کیا، ذرائع کے مطابق نیا پاور پلانٹ آزمائشی بنیادوں پر چلانے کیلئے گیس بندکی گئی ہے۔

Print Friendly, PDF & Email

Comments

comments

یہ بھی پڑھیں