The news is by your side.

Advertisement

مکی آرتھر، شاداب خان سے شرط ہار گئے، پوری ٹیم کو کھانا کھلانا پڑ گیا

لیڈز: پاکستان کرکٹ ٹیم کے ہیڈ کوچ مکی آرتھر لیگ اسپنر شاداب خان سے شرط ہار گئے، پوری ٹیم کو کھانا کھلانا پڑ گیا۔

تفصیلات کے مطابق انگلینڈ کے خلاف سیریز سے قبل ہیڈ کوچ مکی آرتھر سے شاداب خان کو اپنی بیٹنگ بہتر کرنے کے لیے کہا جس پر شاداب خان نے کہا آپ فکر نہ کریں تین ٹیسٹ ہی اور تین نصف سنچریاں تو بنا ہی لوں گا۔

شاداب خان نے جو کہا وہ کر دکھایا، آئرلینڈ کے خلاف واحد ٹیسٹ میچ میں جب شاداب نے نصف سنچری اسکور کی تو ڈریسنگ روم میں بیٹھے مکی آرتھر کی انگلی کا اشارہ کرتے ہوئے کہا ایک ففٹی ہوگئی۔

ایسا ہی لارڈز ٹیسٹ میں دیکھنے میں آیا جب انہوں نے ففٹی بنائی تو پھر سے مکی آرتھر کو انگلی سے اشارہ کیا کہ کوچ دو ففٹی ہوگئی ہیں۔

انگلینڈ ہی کے خلاف لیڈز ٹیسٹ میں جب لیگ اسپنر شاداب خان نے تیسری نصف سنچری بنائی تو فاتحانہ انداز سے کوچ مکی آرتھر کی جانب تین انگلیوں سے اشارہ کیا اور کہا کہ تین ففٹی مکمل ہوگئی ہیں۔

شاداب خان کی جانب سے شرط پوری کرنے پر کوچ مکی آرتھر کا کہنا تھا کہ شرط ہارنے کے بعد مجھے پوری ٹیم کو کھانا کھلانا پڑگیا، لیکن ایک نوجوان بلے باز نے جو کہا وہ کرکے دکھایا۔

قومی کرکٹ ٹیم کے ہیڈ‌ کوچ مکی آرتھر کا مزید کہنا تھا کہ قومی ٹیم کے ڈریسنگ روم کا ماحول اتنا اچھا ہے کہ مجھے اس پر رشک آتا ہے، ہر کھلاڑی دوسرے کی مدد کرنے کے لیے تیار رہتا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔

Comments

comments

یہ بھی پڑھیں