site
stats
عالمی خبریں

چین میں کوئلے کی کان میں حادثہ،18افراد ہلاک

بیجنگ: چین کے جنوبی صوبے ننجیشا ہوئی میں کوئلے کی کان میں گیس بھر جانے سے 18 کان کن جان کی بازی ہار گئے۔

تفصیلات کےمطابق چین کی سرکاری نیوز ایجنسی شن ہوا کا کہنا ہےکہ شہر شیزوشان میں لینی کول مائینگ کمپنی کی جانب سے کوئلے کی کان میں کام جاری تھا۔جہاں کان میں گیس بھرنے کے باعث 18 کان کن ہلاک ہوگئے۔

حادثے کے بعد ایک متاثرہ کان کن کو کان سے زندہ نکالا گیا تھا تاہم بعد ازاں وہ دم توڑ گیا جبکہ دیگر 17 افراد کی لاش نکالی گئیں اور دو لاپتہ افراد کی تلاش کا کام تاحال جاری ہے۔

سرکاری نیوز ایجنسی کی رپورٹ کےمطابق جس وقت حادثہ پیش آیا کان میں 20 افراد کام کررہے تھے جن کو نکالنے کےلیے 200 ریسکیو اہلکار امدادی سرگرمیوں میں حصہ لیا۔

یاد رہے کہ رواں سال مارچ میں چین کے شمالی صوبے سہانشی میں کوئلے کی کان میں حادثے کے نتیجے میں 19 افراد ہلاک ہوگئے تھے۔

واضح رہے کہ چین دنیا میں سب سے زیادہ کوئلہ پروڈیوس کرتا ہے جہاں کوئلے کی کانوں میں حادثے کے باعث آئے دن کان کنوں کی ہلاکتوں کے واقعات رپورٹ ہوتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top