The news is by your side.

Advertisement

کوئلے کی کان میں آتش زدگی، 11 روسی ہلاک، متعدد لاپتا

ماسکو: روس میں کوئلے کی ایک کان میں آتش زدگی کے باعث 11 افراد ہلاک جب کہ متعدد لاپتا ہو گئے ہیں۔

تفصیلات کے مطابق روس کے علاقے سائبیریا میں کوئلے کی ایک کان میں آتش زدگی سے گیارہ افراد ہلاک ہو گئے، متعدد لاپتا افراد کے لیے ریسکیو آپریشن کیا جا رہا ہے۔

روسی میڈیا کے مطابق حادثے کے وقت متاثرہ کان میں 285 کان کن موجود تھے، جن میں سے ریسکیو آپریشن میں 200 افراد کو بچایا گیا، تاہم باقی افراد تاحال لاپتا ہیں۔

مقامی حکام نے میڈیا کو بتایا کہ جن مزدوروں کو کان میں سے نکالا گیا ہے ان میں سے 45 افراد زخمی ہیں، متعدد کان کنوں کی حالت کان میں دھواں بھرنے سے خراب ہوئی۔

حکام کے مطابق کان میں پھنسے باقی افراد کو بچانے کے لیے ریسکیو آپریشن جاری ہے، تاہم زیر زمین پھنسے ہوئے کان کنوں سے کوئی رابطہ نہیں ہو پا رہا۔

دوسری طرف کان میں ہونے والے حادثے کی نوعیت کے بارے میں ابھی تک کوئی حکومتی مؤقف سامنے نہیں آیا۔ یاد رہے کہ 2004 میں بھی اس کان میں میتھین گیس کے دھماکے سے 13 مزدور ہلاک ہو گئے تھے۔

Comments

یہ بھی پڑھیں