The news is by your side.

Advertisement

اتحادی جماعتیں کیا اعلان کرنے جارہی؟ شیخ رشید نے بڑا دعویٰ کردیا

اسلام آباد : وفاقی وزیر داخلہ شیخ رشید نے دعویٰ کیا ہے کہ آج سے اتحادی جماعتیں حمایت کرنے کا اعلان شروع کردیں گی ، یقین ہےعمران خان جیتیں گے۔

تفصیلات کے مطابق وزیرداخلہ شیخ رشید نے پرویز الی کے بیان پر اے آر وائی نیوز سے خصوصی گفتگو کرتے ہوئے کہا کہ پرویز الہی نے جو کچھ کہا ہے وہ ٹھیک ہی کہا ہوگا۔

آج کےدن سے ہی ہماری اتحادی جماعتیں اعلان کرنا شروع کردیں گی کہ وہ حکومت کے ساتھ ہیں ، ایم کیوایم بھی عمران خان کا ساتھ دے گی ، 102 فیصد یقین ہے کہ عمران خان جیتے گا۔

میرے ساتھ پرویز الٰہی کی کوئی بات نہیں ہوئی تاہم پچیس مارچ تک صورتحال واضح ہوجائے گی اور 25مارچ کو میدان عمران خان کےحق میں ہوجائےگا۔

یاد رہے اسپیکر پنجاب اسمبلی پرویز الٰہی نے میڈیا سے گفتگو کرتے ہوئے کہا تھا کہ ہم حکومت کے اتحادی ہیں اور الگ جماعت ہیں، جماعتوں کے اندر مختلف آرا ہوتی ہیں مگر فیصلے باہمی مشاورت سے کئے جاتے ہیں۔

پرویزالٰہی کا کہنا تھا کہ وزیراعظم عمران خان ایماندار اور ان کی نیت بھی اچھی ہے، حکومت چھوڑی ہے نہ ہی اپوزیشن جوائن کی ہے ، حکومت کا حصہ ہیں ہر مشکل وقت میں حکومت کاساتھ دیا۔

Comments

یہ بھی پڑھیں