جنرل راحیل کی توہین آمیز تصویر، بھارتی میگزین پر پابندی کیلئے درخواست دائر -
The news is by your side.

Advertisement

جنرل راحیل کی توہین آمیز تصویر، بھارتی میگزین پر پابندی کیلئے درخواست دائر

لاہور: بھارتی میگزین میں پاکستانی چیف آف آرمی سٹاف جنرل راحیل شریف کی توہین آمیز تصویر شائع کرنے کے خلاف لاہور ہائی کورٹ میں درخواست دائرکردی گئی۔

درخواست میں موقف اختیار کیا گیا کہ بھارت پاک فوج کو بدنام کرنے کے لیے مسلسل سازشیں کر رہا ہے، بھارتی میگزین میں چیف آف آرمی اسٹاف کی توہین آمیز تصویر شائع کرنا اسی سلسلے کی کڑی ہے۔

درخواست میں کہا گیا کہ پاک فوج کے خلاف ہرزہ سرائی پر انڈیا ٹو ڈے کی پاکستان میں ویب سائیٹ بلاک اور پاکستان میں انڈیا ٹو ڈے کے اخبارات اور لٹریچر پر پابندی عائد کی جائے۔

درخواست گزار نے استدعا کی ہے کہ عدالت حکومت کو ہدایت کرے کہ وہ بھارت سے اس معاملے پر احتجاج کرے۔  کیس پر چیف جسٹس لاہور ہائی کورٹ سید منصور علی شاہ 2 ستمبر کو سماعت کریں گے۔

Comments

comments

یہ بھی پڑھیں