The news is by your side.

Advertisement

سپہ سالار کا دہشت گرد حملے میں‌ معذور ہونے والے سپاہی کی قربانی کو خراج تحسین

کانسٹیبل صابر حسین دہشت گردوں کے حملے میں اپنی ٹانگ سےمحروم ہوئے تھے

راولپنڈی: سپہ سالار نے دہشت گرد حملے میں‌ معذور ہونے والے پنجاب پولیس کے دلیر کانسٹیبل کی قربانی کا اعتراف کرتے ہوئے مصنوعی ٹانگ لگانے کی ہدایت کر دی۔

پاک فوج کے شعبہ برائے تعلقات عامہ (آئی ایس پی آر) کے مطابق سپہ سالار نے پنجاب پولیس کے کانسٹیبل صابر حسین کی عظیم قربانی کا اعتراف کرتے ہوئے اُن کی کاوش کو سراہا ہے۔ 

آئی ایس پی آرے کے مطابق صابر حسین دہشت گردوں کے حملے میں اپنی ٹانگ سےمحروم ہوگئے تھے، یہ واقعہ 16 فروری کو ڈی جی خان میں پیش آیا، جب دہشت گردوں نے پولیس پارٹی کو نشانہ بنایا. اس واقعہ میں‌کانسٹیبل صابر حسین شدید زخمی ہوگئے تھے.

حملےمیں کانسٹیبل صابرکے پاؤں اورہاتھ پرمتعدد گولیاں لگیں، جس کے باعث اپنی ٹانگ سے محروم ہوگئے، اب بہادر سپاہی کے لیے سپہ سالار جنرل قمر جاوید باجوہ نے آرمی بحالی مرکز کو مصنوعی ٹانگ بنانے کی ہدایت کی ہے.

واضح رہے کہ دہشت گردی کے خلاف سیکیورٹی اداروں کی صلاحیت بڑھانے کے لئے پاک فوج پولیس کوٹریننگ دے رہی ہے اور آرمی چیف کا یہ بیان اس سلسلے کی کڑی ہے.


آرمی چیف سرکاری دورے پر روس پہنچ گئے، فوجی سربراہ سے ملاقات


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں