اسلام آباد : وزیراعظم عمران خان سے آرمی چیف جنرل قمر جاوید باجوہ نے ملاقات کی، جس میں سیکیورٹی سے متعلق امور پر تبادلہ خیال کیا گیا۔
تفصیلات کے مطابق وزیراعظم عمران خان سے آرمی چیف جنرل قمرجاویدباجوہ کی ملاقات ہوئی ، ملاقات میں سیکیورٹی سے متعلق امور پر تبادلہ خیال کیا گیا اور پاک فوج کے پیشہ ورانہ امور پر بھی گفتگو کی گئی۔
گذشتہ ہفتے بھی وزیراعظم عمران خان سے آرمی چیف جنرل قمر جاوید باجوہ نے ملاقات کی تھی ، اس موقع پر ڈی جی آئی ایس آئی لیفٹیننٹ جنرل فیض حمید بھی موجود تھے، ملاقات میں ملکی سلامتی اور سیکیورٹی سے متعلق امور پر تبادلہ خیال کیا گیا تھا۔
اس سے قبل 11 جنوری کو وزیراعظم اور آرمی چیف کی ملاقات ہوئی تھی جس میں سانحہ مچھ کے ذمہ داروں کو کیفر کردار تک پہنچانے کے عزم کا اظہار کیا گیا تھا۔
خیال رہے وزیراعظم عمران خان کی زیرصدارت حکومتی رہنماؤں کااجلاس ہوا تھا، جس میں موجودہ سیاسی و معاشی صورت حال پر غور کیا گیا ، وزیراعظم نے کہا تھا کہ میثاق جمہوریت میں پی پی اور ن لیگ نےاوپن بیلٹ کی تجویزپراتفاق کیاتھا اور اب اپوزیشن اوپن بیلٹ سےکرانےکی تجویزسےبھاگ رہی ہے۔
عمران خان کا کہنا تھا کہ اپوزیشن ہارس ٹریڈنگ کرکے سیٹیں حاصل کرناچاہتی ہے، شفاف انتخابات میں بڑی رکاوٹ خوداپوزیشن جماعتیں بن رہی ہیں۔
