تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

آرمی چیف کا آئی ایس آئی ہیڈ کوارٹرز کا دورہ

راولپنڈی: آرمی چیف جنرل قمر جاوید باجوہ نے آئی ایس آئی ہیڈ کوارٹر کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید نے آئی ایس آئی ہیڈ کوارٹرز کا دورہ کیا، اس موقع پر ڈی جی آئی ایس آئی لیفٹیننٹ جنرل فیض حمید نے ان کا استقبال کیا۔

ترجمان پاک فوج کے مطابق آرمی چیف کو علاقائی اور قومی سیکیورٹی کی صورت حال پر بریفنگ دی گئی۔

آئی ایس پی آر کا کہنا ہے کہ آرمی چیف نے قومی سیکیورٹی کے لیے آئی ایس آئی کی انتھک کوششوں کو سراہا، آرمی چیف نے آئی ایس آئی کی پیشہ ورانہ تیاریوں پر اطمینان کا اظہار کیا۔

مزید پڑھیں: آرمی چیف جنرل قمر جاوید باجوہ کا سیالکوٹ گیریژن کا دورہ

واضح رہے کہ گزشتہ روز آرمی چیف جنرل قمر جاوید باجوہ نے سیالکوٹ گیریژن کا دورہ کیا تھا اس موقع پر کور کمانڈر لیفٹینںٹ جنرل عاصم منیر نے آرمی چیف کا استقبال کیا تھا۔

ترجمان پاک فوج کے مطابق آرمی چیف کو ورکنگ باؤنڈری کی صورت حال اور آپریشنل تیاریوں پر بریفنگ دی گئی تھی۔

آرمی چیف جنرل قمر جاوید باجوہ نے گیریژن افسران اور جوانوں سے ملاقات کی اور مادر وطن کو درپیش خطرات سے نمٹنے کے عزم، پیشہ ورانہ صلاحیتوں کو سراہا تھا۔

Comments

- Advertisement -