The news is by your side.

Advertisement

آرمی چیف سے قطر کے وزیر مملکت برائے دفاع کی ملاقات

راولپنڈی: آرمی چیف جنرل راحیل شریف اور چیئرمین جوائنٹ چیفس آف اسٹاف کمیٹی جنرل راشد محمود سے قطر کے وزیر مملکت دفاع ڈاکٹر خالد بن محمد العطیہ نے ملاقات کی۔ ملاقات میں علاقائی سیکیورٹی اور دفاعی تعاون پر بات چیت کی گئی۔

آئی ایس پی آر کے مطابق قطر کے وزیر دفاع ڈاکٹر خالد بن محمد العطیہ نے جی ایچ کیو راولپنڈی میں آرمی چیف جنرل راحیل شریف اور چیئرمین جوائنٹ چیفس آف اسٹاف کمیٹی جنرل راشد محمود سے ملاقات کی۔

ملاقات میں دونوں برادر ممالک میں دفاعی اور سیکیورٹی تعاون بڑھانے پر تبادلہ خیال کیا گیا۔ ڈاکٹر خالد بن محمد نے علاقائی امن اور استحکام کے لیے کوششوں اوردہشت گردی کے خلاف جنگ میں پاکستان کی کامیابیوں کا اعتراف کیا۔

اپنے دورہ جی ایچ کیو میں قطر کے وزیر نے یادگار شہدا پر حاضری دی اور پھول چڑھائے۔ پاک فوج کے چاک و چوبند دستے نے قطر کے وزیر دفاع کو سلامی پیش کی۔

Comments

comments

یہ بھی پڑھیں