The news is by your side.

Advertisement

انجینئرڈ احتجاج کی آڑمیں ریاست مخالف ایجنڈا کامیاب نہیں ہوگا: آرمی چیف

راولپنڈی: آرمی چیف جنرل قمر جاوید باجوہ کا کہنا ہے کہ قوم نے بھرپور یکجہتی سے انتہاپسندی اور دہشت گردی کو شکست دی، کامیابیوں کے باوجود بہت کچھ ہونا باقی ہے، انجینئرڈ احتجاج کی آڑمیں ریاست مخالف ایجنڈا کامیاب نہیں ہوگا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف سے خیبرپختونخواہ کے ارکان پارلیمنٹ، عمائدین، تاجر، دانشوروں نے خصوصی ملاقات کی. ملاقات میں‌ آرمی چیف نے سیکیورٹی صورت حال، دہشت گردی کی خلاف جنگ میں کامیابیوں پراظہارخیال کیا.

آئی ایس پی آر کے مطابق آرمی چیف کا کہنا تھا کہ قوم نے بھرپور یکجہتی سے انتہاپسندی، دہشت گردی کو شکست دی، فاٹا کے عوام کی جرات اور بہادری کی قدر کرتے ہیں، دیرپا امن و استحکام کے لئے متحد ہوکر آگے بڑھنے کی ضرورت ہے۔

آرمی چیف کا کہنا تھا کہ سیکیورٹی سمجھوتے کے بغیرچیک پوسٹوں پرآسانی کےاقدامات کررہے ہیں، سیکیورٹی فورسزملک میں دیرپا امن کاپختہ عزم رکھتی ہیں، سرحد پار سے افغان مہاجرین کے بھیس میں دہشت گردوں سے خطرہ ہے، دہشت گردی کے باعث سرحدی معاملات میں احتیاط سے آگے بڑھنا ہوگا۔

انھوں نے مزید کہا کہ انجینئرڈ احتجاج کی آڑمیں ریاست مخالف ایجنڈا کامیاب نہیں ہوگا، معصوم شہریوں اوروطن کی سیکیورٹی سب سےمقدم ہے، کامیابی کے ثمرات فاٹا کو قومی دھارے میں لانے سے جڑے ہیں۔

یاد رہے کہ جی ایچ کیو میں مادروطن کے لیے قربانیاں دینے والے شہداکےاعزازمیں تقریب منعقد ہوئی تھی، جس سے خطاب کرتے جنرل قمر جاوید باجوہ نے کہا تھا کہ کچھ لوگ باہر اور اندر سے پاکستان کی سالمیت کے درپے ہیں، فاٹا میں امن بحال ہوئے ابھی کچھ ہی دن گزرے تھے کہ کچھ لوگوں نے نئی تحریک شروع کردی۔


فاٹا میں امن بحال ہوا تو کچھ لوگوں نے نئی تحریک شروع کردی، آرمی چیف


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں