The news is by your side.

Advertisement

آرمی چیف کا لاہور کی باہمت بیٹی فجر کو نوکری اور مزید تعلیم کا موقع دینے کا اعلان

راولپنڈی : آرمی چیف جنرل قمر جاوید باجوہ نے لاہور کی باہمت بیٹی فجر کو نوکری اور مزید تعلیم کا موقع دینے کا اعلان کردیا اور کہا کہ فجر جیسی بچیاں ہمارے لیے مشعل راہ اور ہمت کا نشان ہیں۔

تفصیلات کے مطابق ڈی جی آئی ایس پی آر نے سماجی رابطے کی ویب سائٹ ٹوئٹر پر بیان میں کہا کہ آرمی چیف جنرل قمر جاوید باجوہ نے لاہور کی باہمت بیٹی کیلئے خصوصی اقدام کرتے ہوئے فجر کو فوج کے زیرانتظام نوکری دے دی۔

آئی ایس پی آر کا کہنا ہے کہ آرمی چیف کی ہدایت پرفجر کو مزید تعلیم کا موقع بھی فراہم کیا جائے گا، لاہور کی باہمت بیٹی فجر کا پیغام سوشل میڈیا پر وائرل ہوا تھا۔

ترجمان کے مطابق آرمی چیف جنرل قمر جاوید باجوہ کا کہنا ہے کہ فجرجیسی بچیاں ہمارے لیے مشعل راہ اور ہمت کا نشان ہیں۔

یاد رہے کہ الیکشن 2018 سے جہاں کروڑوں پاکستانیوں کی امید وابستہ تھی وہیں لاہور کی باہمت بیٹی فجر بھی تمام مشکلات اور معذوری کو پیچھے چھوڑتے ہوئے ووٹ ڈالنے آئی۔

اس موقع پر فجر کا کہنا تھا کہ ووٹ اپنے اورملک کی مستقبل کیلئے ڈالیں، گھر بیٹھیں گے تو ووٹ ضائع ہوجائے گا، ووٹ دینا لازمی ہے۔

فجرنے شکوہ کیا تھا کہ ملک میں انصاف اور روزگار نہیں ملتا، تعلیم حاصل کرنے کا کوئی فائدہ نہیں ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں