The news is by your side.

Advertisement

کلبھوشن یادیو کے سلسلے میں کوئی سمجھوتا نہیں کیا جائے گا، کورکمانڈر کانفرنس میں فیصلہ

اسلام آباد : آرمی چیف جنرل قمرجاوید باجوہ کی زیر صدارت کور کمانڈر کانفرنس ہوئی، جس میں فیصلہ کیا گیا کہ بھارتی جاسوس کلبھوشن یادیوکے معاملےمیں کوئی سمجھوتہ نہیں کیا جائے گا۔

فوج کےشعبہ تعلقات عامہ آئی ایس پی آرکے مطابق آرمی چیف جنرل قمرجاوید باجوہ کی زیر صدارت کورکمانڈرزکانفرنس کا انعقاد کیا گیا ، کورکمانڈرزکانفرنس میں قومی سلامتی ،خطے میں ہونیوالی حالیہ تبدیلیوں پر تبادلہ خیال کیا گیا جبکہ آپریشن ردالفساد اور مردم شماری سے متعلق امور بھی زیرغور آئے۔

کورکمانڈرزکانفرس کے شرکاء نے اس عزم کا اظہار کیا کہ کلبھوشن یادیو کے سلسلے میں کوئی سمجھوتا نہیں کیا جائے گا۔


مزید پڑھیں : بھارتی جاسوس کلبھوشن یاد یو کو سزائے موت سنا دی گئی


خیال رہے کہ دو روز قبل پاک فوج کی ملٹری عدالت نے بھارتی جاسوس کلبھوشن یاد یو کو ملک میں جاسوسی کرنے ‘ قتل و غارت گری اور انتشار پھیلانے کے جرم میں سزائے موت سنائی تھی۔

آرمی چیف جنرل قمر باجوہ نے کلبھوشن یادیو کو دی جانے والی سزائے موت کی توثیق کی تھی۔

Print Friendly, PDF & Email

Comments

comments

یہ بھی پڑھیں